اذيكم يا قمرات عاملين ايه يارب تكونوا بخير
انا هقولكم علي طريقه سهله لعمل الكسكسي (السمسمي)
جوزي كان بيحبه وانا مكنتش بعرف اعمله لغاايه لما شفته في يوم علي قناه فتافيت
انا اسفه مصورتوش بس ان شاء الله اعمله تاني واصورهولكم
نبدا بسم الله
هنجيب دقيق الكميه اللي احنا عايزين نعملها انا عملت نص كيلو دقيق
ذره ملح
كوب ميه
ونحط الدقيق في كبه الخلاط ونشيل منه شويه
ونشغلها ونحط ميه سير رفيع خالص ممكن منحتجش الكوبايه كلها
لغايه لما تحسي ان العجينه بتلم حاجه بسيطه
وده عشان تتاكدي ان كل الدقيق شرب ميه
وبعدين تجيبي دقيق وتزودي معلقه بمعلقه لغايه لما تلاقيها اتفتت معاكي تاني
وهنا بتخديها وتحطيها في قماشه وتحطيها في حله السمسمي او في حله البخار او مصفه ستيل وتحتها حله ميه
وتتركيها علي نار متوسطه وبعد 3/4 ساعه هيكون استوا بس لزياده الاطمئنان لما هتخبطي عليه
هيقول ميين ههههههه
اقصد هتسمعي صوت تطبيل زي الطبله انما لو مستواش هتسمعي صوت مكتوم شويه
حلو لغايه هنا ؟؟
بعدين شيليه من عالنار هنلاقي فيه حتت مكلكعه افرديها بمعلقه وبعدين سيبيها يبرد شويه
وهتاخديها تاني عالكبه وتفرميها تاني واووووووووعي تفرميها وهيا سخنه هتبقي عجينه
ولما هتحطيها في الكبه تاني ممكن تحتاجي كمان معلقتين دقيق هتبقي مفلفله خالص ان شاء الله
وبعدين حطيها تاني في القماشه وعالنار شويه وخلاص كده ان شاء الله تاكلي احلي سمسمي
ممكن تحطي عليه سمنه وسكر بودره او شويه شوربه
وشكرا علي حسن استمعكم وليا طلب صغير ادعولي بالشفاء لو ممكن مواضيع هذا القسم برعاية
مرمر13 مرمر13 343774_1.gif فتكات رائعة Fatakat 343774 الكويت – الكويت