السلام عليكم ورحمه الله وبركاته
ازيكم يا فتوكات يارب تكونوا دايما بصحه جيده وسعاده وهنا
المقادير
نص كيلو بانيه
بصله مفرومه
ملعقه صغيره صلصه
رشه زعتر
ملعقه خل
ملح – فلفل اسمر
2 ملعقه كبيره زيت زيتون وممكن استبداله بالزيت النباتى
دقيق وشويه بقسماط
هنيجى بقى للطريقه
هنتبل البانيه بالمكونات السابقه ما عدا الزيت وياه بقى لو تبلتيها قبلها بيوم
وممكن بردو تتبلى البانيه وتحطيه فى الفريزر ولما تيجى تعمليه تسيبيه لحد ما يفك وتشتغلى بيه انا عملت كدا والنتيجه واحده بجد ما شاء الله هايله
نيجى بقى نجهز البانيه هنجيب دقيق وشويه بقسماط وشويه ملح صغيرين ونراعى طبعا ان احنا حاطين ملح فى التتبيله
هيجى بقى للتسويه مش هنحمره فى زيت غزير والا حاجه لا خالص
هنجيب طاسه اللى بنعمل فيها البيض مثلا بس تكون مش بتلزق
هنحط زيت الزيتون ولو مش عندك هنحط الزيت النباتى فى حدود معلقتين كبار
هنحط ف الطاسه الباني على نار هايده طبعا عشان يستوى براحته وكل ما البانيه يشرب الزيت هتحطى شويه صغيرين اوى فى الطاسه
وخليكى متابعه البانيه لما الناحيه اللى تحت استوت قلبيه
بجد يا فتوكات طعم التتبيله هايل انا كنت اول مره اجربها كنت عملاها فى عزومه بجد اتهبلوا على طعمها ومش هتندموا لما تجربوها ان شاء الله
** لتتبيل الفراخ هتبقى هى هى نفس تتبيله البانيه ما عدا بس تستبدلى الصلصه بطمطمايه وتدخليها الفرن
احبكم فى الله مواضيع هذا القسم برعاية
يارب اغفر لنا وارحمنا يارب اغفر لنا وارحمنا 1241494_3.gif فتكات متميزة Fatakat 1241494 القاهره – مصر
