السلام عليكم ورحمه الله وبركاته
احب اعرفكم بنفسى انا اسمى هدى الرحمن انا خريجه زراعة
المهم
قريب ان شاء الله هاسافر وابقى مغتربه جدا
بلاش رغى بقى وادخل فى الموضوع على طول
دلوقتى الخضار والفاكهه بتتنفس لان فى الاصل كائنات حيه زيها زينا وبتمر بنفس مراحل عمرنا بالطفوله والشباب والنضوج والشيخوخه ولو لحظتوا المراحل دى هتلاقى فى منها شبهه كبير مننا
عمركوا شوفتوا طماطميه او تفاحيه مكرمشه وبتمرض وبتتعب بردوا زينا
المهم هى بتاخد اكسجين وبتخرج ثانى اكسيد الكربون هتستغربوا يعنى عندها رئه زيها زينا كده
هاقولكوا لا هى بيكون عندها انزيمات هى الى بتقوم بالوظيفه دى وطبعا نتيجه عمليه التنفس دى مش ثانى اكسيد الكربون معروف ان بينتج عنه كمان بخار ماء واكبر دليل لما تحطى مثلا كيس طماطم فى التلاجه وتسيبها مده بتطلعيها تفتحيها تلاقى على الطماطميه نقط ميه
هو ده بقى ناتج التنفس من بخار الماء
عارفين تلاجات الخضار والفاكهه لما تلاقى مثلا خضار او فاكهه تطلع فى غير اوانها وتقولوا دى كانت فى التلاجات
كفايه رغى بقى زمانكوا زهقتوا منى بس انا حبيت افهمكوا طبيعيه الخضار والفاكهه لانك لما هتفهمى طبيعيته هتعرفى تخزنيه فريش ازاى اكبر طريقه ممكنه
وعلى فكره الطريقه دى تنفع اى نوع خضارر او فاكهه لان طبيعتهم كلها واحده
التبريد بيقلل من انتاج ازيم التنفس بيقلل من التنفس بيخليها تعيش اكبر فتره ممكنه
فحضرتك تاخدى الطماطم وتحطيها فى كيس وتقفليه كويس لانك هتحطيها فى التلاجه فى اكتر حته فيها بروده وكل واحده وعارفه تلاجتها كويس وممكن يتحط فى درج الفك الى تحت الفريزر على طول لو مش محتاجاه علشان ولا تتجمد ولا تبقى فى مكان اقل بروده
المهم كل فتره يعنى كل يومين او كده بتخرجى الكيس وتفتحيه وتمسكى طماطميه طماطميه تمسحيها بقماشه ناشفه وتحطيها فى كيس جديد ناشف وممكن تحطى فى قلب الكيس ورق جرايد علشان يمتص شويه من الميه
بس ضرورى ضرورى تمسحى الميه الناتجه عن التنفس لانك لو ممسحتيهاش هتسبب عفن للخضار او الفاكهه دى
وبكده تعيش معاكى اطول فتره ممكنه فرش ولما يجى تحسى انها مش هتعيش معاكى اكتر من كده استعمليها
ويارب اكون افادتكوا
وياريت تدعوا لى ان ربنا يهدى لى زوجى ويشفى لى بنتى ويخلى لى ابويا وامى واخويا ويوسع رزقنا ويسترنا ويدينا الصحه
معلش طولت فى الدعاء بس طماعه بقى
واهم حاجه متنسيش التقييم وانتى واخده الباب فى ايديك
مواضيع هذا القسم برعاية
Hoda Elrahman Hoda Elrahman images/avatars/yellowflower.jpg مفسرة الاحلام Fatakat 598738 القاهرة – مصر