السلام عليكم يا فتوكات أنا شفت هنا طرق لعمل الزبادي بتاخد 12 ساعة أنا استغربت جدا بصراحة لأني بعملها مش بتاخد غير ساعتين وممكن ثلاثة فالشتا عشان البرد قلت أقولكم طريقتي يمكن حد يستفيد ويدعيلي دعوة حلوة نبدأ باسم الله أولا أنا بجيب 2 لتر لبن من عند اللبان وعلبة زبادي برده من عند اللبان أول حاجة طبعا بتغلي اللبن وتسيبيه لحد ما يبقى فاتر وبعدين تولعي الفرن من تحت وتسيبيه 10 دقايق تكوني جهزتي فيهم الزبادي بتجهزيها ازاي؟ تاخدي ملعقتين زبادي من العلبة مش كلها تقلبيهم في كوب لحد ما تبقى سايلة وبعدين تملي الكباية من اللبن اللي انتي غليتيه وسبتيه يبرد بعد كده تقلبي الكباية كويس وبعدين تحطيها على باقي اللبن وتقلبيه كويس تصبي الخليط ده فالكبيات اللي انتي مجهزاها وتحطيها في صينية فيها ماء عادي من الحنفية وتكون الميه واصله لآخر الزبادي بس مش لآخر الكباية علشان مش تدخل جواها وبعد ال10 دقايق تطفي الفرن وتحطي جواه الصينية بعد ثلثين ساعة كده تبصي عليها حطي صباعك لو لقيتيها بقت بدرجة حرارة الغرفة تقريبا تولعي الفرن حوالي خمس دقايق بس تخلي بالك كل شوية تشوفي المية احنا عايزينها تبقى سخنة بس تستحملي تحطي ايدك فيها وتسيبيها شوية المية لو سخنت أوي الزبادي هتبوظ أنا قلت أهه محدش يولع الفرن ويسيبه ويطلع مالمطبخ بعد ما تطفي الفرن سيبيها ساعة أو ساعة وربع كده وهتلاقيها مسكت وبقت تمام تحطيها بقى فالثلاجة و [الف هنا على قلوبكم طبعا لو فالشتا هنولع الفرن عدد مرات أكتر أهم حاجة نحافظ عالميه دافية وهي ممكن متظبطش من أول مرة بس جربيها لحد ما تظبط أنا بحب أعملها فالبيت لأنها أنظف من بتاعت برة ومفيهاش لا مواد حافظة ولا غيره وكمان أوفر بكتييير جدا حولوا تجربوها ومتنسوش التقييم يا حبيباتي مواضيع هذا القسم برعاية أمي نور حياتي أمي نور حياتي فتكات نشيطة Fatakat 1142167 دمياط – مصر
