ازيكم يا بنات
رمضان كريم
كلنا بنعمل عزومات في رمضان وبنبقى محتارين نعمل ايه
هاقولكم النهاردة على طرقتي في الكبسة لكل اللي طلبوها منى على الخاص
انا بقه ليه طريقة في الكبسة السعودي (عشت في الخليج 14 سنة )خالتي كلتها عندي قالت ليا دي احسن من الشيف بتاع فرح ابني عملها وخدت بقية الحلة معاها وهي ماشية
دلوقتي هاقولكم على الطريقة
المقادير
تكفى 8 اشخاص
كيلو ونص رز بسمتى مش مهم ابيض او اصفر الكركم بيدي اللون
3 بصلات متوسطين مقطعين صغير 2 فلفل اخضر مقطع مكعبات 2 طماطم مقطعين مكعبات صغيرة جدا 6 معالق زيت عافية 3 أو اربع معالق كركم
شوربة تكون مرة ونص من الرز ( يعني كل كوباية رز لها كوب ونص شوربة )
بهارات :
معلقة صغيرة مطحونة من :
(ملح – الفلفل الاسود – الكمون – الحبهان – القرفة – مكعب ماجي- ليمون اسود محمص )
نص معلقة صغيرة مطحونة من :
(القرنفل – جوزة الطيب – الكاري)
التزيين :
نص كيلو لحمة مفرومة
بصلتين مفرومين ناعم
طماطمية مبشورة
ربع كيلو زبيب
لوز أو بندق مقسوم انصاف أو صنوبر ( حسب المتواجد )
لاعطاء الطعم : ملح – فلفل اسود – حبهان مطحون – مكعب ماجي
الطريقة
في البداية تجيبي حلة واسعة علشان الرز ده بيدي كمية كبييييييييييييرة بعد السوا
وتحطي الزيت على النار ولما يسخن نضيف البصل ولما يدبل نضيف الفلفل الاخضر ونضل نقلب لما يبقى لونهم دهبي فاتح ثم نضيف الطماطم ونقلبهم 5 دقائق على النار ثم نضيف البهارات كلها ونقلبهم دقتين على النار ونطفي عليهم
ونغسل الرز كويس ونصفيه حتى في مصفاه ثم نضيفى على المكونات اللي في الحلة ونقلبهم حلو وبعدها نضيف الشوربة ونرجع نقلب ونشغل النار تاني ونحط الحلة على النار
وندوقها علشان نشوف لو هتحتاج ملح ( حسب طعم الشوربة اصلا )
ولما تغلى كويس نوطي النار عليها ( انا عن نفسي دائما باحط الشياطة علشان بتخلي الرز ممتاز )
ويترك حتى ينضج ويقلب من حين لاخر
ولو احتاج شوية شوربة تاني مش تكتري علشان مش يتعجن
يعني انتي حتى ممكن مش تضيفى الشوربة كلها مرة واحدة ممكن تحتفظي بشوية لحين احاجة لاضافتها لان مش كل انواع الرز زي بعضه
يعني الهندي غير الباكستاني وكده يعني
نيجي بقه للتزين
الاول نجيب الزبيب وننضفه من الاعناق وننقعه في ماء حوالي نص ساعة
ونبعدها نصفيه
ثم نضع في اناء عميق زيت ولما يسخن على النار نحط الزبيب ونقلبه حتلاقي اتنفخ
اول ما الزبيب اغلبيته يتنفخ تطفى عليه النار وتنشيلة بسرعة علشان مش يتحرق
وتحطي عليه شوية ملح وفلفل اسود مش كتير
وبعدين تحمرى كل نوع من المكسرات لوحده لان كل نوع له سوا غير التاني علشان مش يتحرق
وتتركيم على ورق لامتصاص الزيت
وبعدين
نشوح البصل فيالزيت اللي في الحلة مكان الزبيب والمكسرات ولما يدبل نضيف اللحمة المفرمة
وبعد خمس دقائق نحط الطماطم المبشورة والبهارات كلها وطبعا نكون مغطين الحلة ونتركها حتى تمام النضج
قبل التقديم بحةالي عشر دقائق نضع الزبيب والمكسرات على اللحمة المفرمة على النار ونقلبهم حوالي 7 دقائق علشان يتخلط طعمهم
عند التقديم
نضع الرز في سرفيس كبيررررررررر و نحط التزيين على الوش بيقى تحفة
بتقد مه الفراخ المشوية والسلطة الخضراء
وبالهنا والشفا مواضيع هذا القسم برعاية
بنت النهاردة بنت النهاردة سوبر فتكات Fatakat 144540 الزقازيق – مصر