يارب لك الحمد كما ينبغى لجلال وجهك وعظيم سلطانك
ازيكم يا فطاحل القسم ده ههههههه
موضوعى بسيط بس ما تنسى التقييم
دى طريقة والدتى دايما بتعملها سواء فى الحشوة او عشان نشرب شوربة نظيفة وشفافة وتستخدميها فى المحاشى والجلاش وكمان الكسكسى وخصوصا شوربة اللحمة دى اهم حاجة عندىلان دى اللى بنشربها فقط
طبعا كل واحد حر ماشى هههههههههههههه
واى مبتدئة هتتعلمها بسرعة فى بداية زواجها او البنوتات الحلوات
اولا البطة وحشوتها
هتجهزى الحشوة عبارة عن
بصل مقطع +زبيب+بهرات كفتة او فراخ+ملح وكمون خفيف+زيت
مكسرات لو عندك
التوابل:ملح وفلفل اسود خشن مع مستكة وحبهان وورق لورى
الطريقة:
ملعقة زيت على النار وتشوحى الزبيب على نار هادية حتى ينتفخ
هتكونى مجهزة البصل المقطع ودعكتيه بايديك شوية مع البهارات وتضيفيهم على الزبيب وممكن تزودى شوية مكسرات بتبقى تحف بس ما كانش متوفر عندى ساعتها
هتقلبيها تقلبتين على النار وتطفى عليها وتبرد شوية
جهزى البطة وتغسليها بالملح والقيق وده كافى لازالة اى زفارة او ريحة لان الملح غسسسسسوووووووووووول لوحدة وتدعكيها من جوة وبرة وبعدين القيق هتلاقى ريحتها نظيفة والطبقة الرقيقة راحت منها والفراخ نفس الكلام
هتحشى البطة البطبوطة بالحشوة البسيطة دى وتجهزى ابرة وخيط ابيض
وبلاش الخلة لان الحشوة ممكن تنزل فى الشوربة وتبقى غامقة
هتقطعى الرقبة بالسكينة وتخيطيها كويس
وتبدئى العملية الجراحية ههههههههه وتخيطيها
هتغلى ماء غزير
ضعى فيها البطة البطبوطة تغلى دقيقتين تلاتة كدة عشان الريم كله يطلع والزفارة اللى فيها ودى خطوة مهمة
خلصت الدقايق تنشلى البطة من المية وترميها
انا قصدى المية مش البطة ههههههههههه
هتغلى مية تانى وتحطى فيها بصل ومستكة وحبهان وفلفل اسود خشن وورق لورىوممكن عود قرفة وقرنفل لو عايزة
هتحطى البطة فى المية وتسبيها لما تستوى على ناااااااار هادية وفى الاخر تضيفى الملح قبل ما تنزليها ب 5 دقايق
هتطلعيها تتصفى وبعدين على الشواية تتحمر
وهتدوقى احلى حشوة
نفس الطريقة للحمة
هتغسليها كويس ونفس الطريق ودوقى احلى شوربة شفافة ونظيفة
ومش هتقرفى منها ابدا
وادى لون الشوربة شفاف ونظيف
ومش هتقرفى هتستخدميها فى المحشى والكسكسى والجلاش
وبالف هنا يا فتوكات
ودعواتكم ليا بالرزق الحلال وتيسير الامور وفك الكروب
استودعكم الله مواضيع هذا القسم برعاية
رؤانى حبيبتى رؤانى حبيبتى 552679_5.gif فتكات رائعة Fatakat 552679 اللى ربنا ييسره لينا – مصر