ازيكم ياااقمرات
قريت موضوع عن ان غلط نسخن العيش فوق البوتجاز والموضوع ده كان من فتره كبيره جدااا
وقريته من كام يوم هنا فى المدونة
اسمه اوعو تسخنو العيش يابنات وده الرابط
https://fatakat.univanet.com/#939219
وعايزه اقولكم انى اتضااايقت جدااااااااااا لما قريت التنبيه ده زمان لانى لازم حظى مع العيش لو جيت اسخنه وادخله التوستر او الميكرويف او الفرن انساه زهاايمر بجد
وحتى لو واقفه اسخنه لازم اسهى فى اى حاجه واشم ريحه انه بيتلسع بس طبعا ارحم من انى اطلعه كله مره متحمص ومحدش يعرف ياكله لانه فعلا تسخينه على البوتجاز بيكون افضل
المهم انا لقيت طريقه وهى اختراعى انا وبستخدمها من كتييييييييييييييييير ومريحاااااااانى جدااااااااااااااااا جداااااااااااااااااااااااا
وهى انى بستخدم الشياطه بتاعه الرز انا للاسف معنديش صوره ليها بس اللى هى بتتباع بايد خشب وعامله زى الصفيحه المخرمه وبتتحط تحت حله الرز اكيد منكم كتير عارفينها واللى ميعرفهاش هى رخيصه اوى وتقدروا تشتروها من اى محل ادوات منزليه وكمان ياريت اللى عتده يخصص واحده للعيش وبس
دى فعلا ريحتنى اولا انى مخاافش من الكلام اللى بسمعه عن ان شعله النار بتاعه البوتجاز غلط انها تكون مباشره على العيش
ثانيا كده الموضوع سهل بالنسبه ليا بكون بحضر الاكل ورغيف رغيف احطه اسيبو شويه واقلبو بيبقى كانه لسه واصل من الفرن
وطبعا عمره مابيتلسع منى حتى لو نسيتو شويه ومش لازم اختار عين نارها واطيه بالعكس على اعلى عين بوتجاز بحطها
وبسخن العيش كله فى دقايق وبسرعه (( وكتير وبيكون كمان لسه طالع من الفريزر ))
ثالثا ان فى ناس بتخاف فعلا من موضوع التسخين على البوتجاز بعد اللى قريناه كده ارحم من انى كل شويه اولع الفرن ولا التوستر علشان بس اسخن رغيف لو مش هاسخن كميه
وكمان برضو ممكن تستعملوها فى شوى السمك على البوتجاز
يارب تكونوا استفدتوا من موضوعى وكل اللى طالباه دعوه بظهر الغيب لامى بالرحمه والمغفره
دمتم فى حفظ الرحمن ورعايته
شهد الورد مواضيع هذا القسم برعاية
شهد الورد شهد الورد فتكات هايلة Fatakat 39801 اسكندريه – مصر