بما انى جربت كتير اعمل البيتزا قبل ما اتجوز وكانت مرة تطلع حلوة ومرتين وحشة ههههههههههههه
ونفسيتى تعبت وقولت مش هعمل تانى وبعد الجواز جوزى بيحب البيتزا طب وبعدين اعمل ايه
من غير رغى رحت اعدت ابحث فى جوجل وقولت هشوف اكتر حاجة سهله اجربها
وطلعت تحفة
المقادير
2كوب دقيق
1معلقة كبيرة خميرة
امعلقة كبيرة زيت
واحد كوب ونصف مياه
المقادير دى لعمل صنيتين
وتحطى المقادير مع بعضها وتعجنى لو حاسة انها سايحة وبتلزق حطى دقيق لحد ما العجينة تخلع من ايدك
وسبيها تخمر ساعتين
تكونى بقى مجهزة الصلصة وبتعمليها بتقطعى بصلة وتحمريها فى الزيت او السمنة زى ما انتى عاوزة
وتحطى الطماطم بعد ما ضربتيها فى الخلاط وحطيها على البصلة من غير ما تصفيها واول ما تتسبك وتتقل اطفى عليها وسبيها تبرد ولازم الصلصة تكون بارد علشان متطلعش معجنة
قطعى فلفل وجبنة رومى وزيتون
واما العجينة تخمر اقسميها نصفين وتدهنى الصنية زيت وتفردى فيها العجينة والصنينة التانية فيها النصف الاخر من العجينة
وتحطى صلصة بعد اما تفردى العجينة كويس فى الصنية وبعد الصلصة حطى الفلفل والزيتون والجبنة الرومى وحطيها فى الفرن مبتخدش وقت كتير هدى الفرن على 160او 180وبعد ما تشوفيها استوت من تحت يعنى ارفعيها بمعلقة لو استوت ارفعيها على الشوايه وطلعيها وبالهنا والشفا
ودى صورة البيتزا فى النهاية
مواضيع هذا القسم برعاية
محبة للإسلام محبة للإسلام 320475_5.gif سوبر فتكات Fatakat 320475 الحياة – مصر وفى بيت حبيبى