السلام عليكم ورحمة الله وبركاته
ازيكم يا احلى صحبة انا جايبة لكم طريقة جميلة اوى لعمل الباذنجان روعة اوى يا بنات وتنفع مع الدايت بدل الخضار ممكن تاخدى الباذنجان بالطريقة دى نبتدى
المكونات
واحدة باذنجان واحدة فلفة خضرا واحدة طماطم فص ثوم ملح كمون ليمونة ممكن نص ملعقة زيت ذرة
الطريقة
تنيمى الباذنجانة على جمبها وتقطعيها طرنشات بس مش للاخر تسيبيها شابكة من تحت
تقطعى الفلفل والطماطم والثوم قطع صغيرة والملح والليمونة والكمون وتقلبى كله مع بعضه
تحشى الباذنجانة بالمكونات السابقةبين كل قطعة وقطعةتحشيها بتبقى عاملة زى المروحة كدة وتضيفى نص معلقة زيت على البدنجانة من فوق وتحطيها ف الصنيىة وتغطى الصنية بالفويل او بغطا عادى وتحطيها فى الفرن لمدة ساعة او اقل شوية
انا كنت بعمل رز معمر وحطيتها معاه فى الفرن وطلعوا سوا والله يا بنات روعة وخفيفة
مواضيع هذا القسم برعاية
درة السنة درة السنة فتكات هايلة Fatakat 388012 المحلة – مصر