اكيد نفسك فيه لما بتشمي رحته التي لا تقاوم بس زيّي بتاخافي تأكليه من بره ..
ولا يهمك طريقته طلعت سهله جدا ..
المقادير :
– لحم مفروم الكميه الي متعوده تعمليها .
– بصل قد كمية اللحم .
– فلفل مطحون
– ملح
– كزبره
– فلفل رومي
– خبز بلدي
الطريقه :
تقطيع البصل بالكميه المكتوبه ومتتخضيش من الكميه لأنها هي الي هتخلي للحوواوشي الطعم بتاع بره وبعدين تضربي البصل في الخلاط تنعميه بس وتقطعي الفلفل الرومي قطع صغيره وتحطي ملح وفلفل وكزبره حسب ما إنتي متعوده ضيفي اللحم على المكونات السابقه ثم اتركيه مدة ساعه .
جهزي العيش البلدي ياريت يكون لسه طازه افتحيه وحطي اللحمه وهي نيه جواه ؛ جهزي العدد الي يكفي اسرتك .
من الافضل انه يتعمل على البوتوجاز من فوق مش في الفرن جهزي صينيه مدهونه بزيت وضعي رغيف رغيف وغطيه واتركيه عشر دقائق على كل وجهه ؛ ثم ارفعي الرغيف لاتزيد مدة وجوده على النار عن هذه المده على نار هادئه جدا .
هذه الفتره كافيه لنضوج الأرغفه ولتصاعد رائحة الحوواوشي المميزه اللذيذه .
قدمي الحوواوشي مع أطباق السلطه الخضراء وطرنشات الطماطم بالثوم وطبق الطحينه مع إضافة قليل من الخل مع الماء أثناء تجهيزها .
جربي هتلاقي طعمه ألذ وأطعم من الحوواوشي بتاع المحلات ؛ بس احلى حاجه فيه انه لازمُه لمّه حلوه عشان تحسي بطعمه .
جرّبي وقوليلي رأيك .
منقوووول مواضيع هذا القسم برعاية
galaxy alnoba galaxy alnoba 472503_1.gif فتكات هايلة Fatakat 472503 مكه – السعوديه
سبحان الله و بحمده