طريقة عمل الجبنة القريش
إخواتى الفتوكات عاوزين تاكلوا جبنه قريش وانتوا ضمننها 100% هاأقولكم ازاى زى ماكانت والدتى الله يرحمها بتعملها
يكون الفرن شغال قبليها يعنى يكون دافئ وبعدين تكونى محضرة طاجن و تجيبى كيلو لبن وتحطى فيه نص معلقه ملح ونص علبه قشطه وبعدين الخطوه المهمه بعد ما دوبنا الملح والقشطه فى اللبن وحطناه فى الطاجن فى وقتها ونيجى حطين طاجن اللبن فى الفرن وهو مطفى مش مولعه الفرن
ونسيبه لتانى يوم حنصبح الصبح نلاقيه راب بيبقى رايب
وبعدين نصفيه فى مصفاه جواها شاشه وتسيبوه بقى بتاع نصف ساعه لحد ماينزل الماء الزائد وبعدين تحطى الملح على حسب ماتحبيه وتقفلى الشاشه وتحطى فوقيها حاجه تقيله شويه لحد ماتصفى المياه بتاعتها وتجمد وقطعيها خرط وعلى فكره الثلاثة كيلو لبن بيعملو كيلو جبنه قريش بس بخيرها مش مغشوشه وبالهنا والشفا
نسألكم الدعاء لوالدتى بالرحمه والمغفره مواضيع هذا القسم برعاية
حنان محمدعمار حنان محمدعمار 110321_11.gif سوبر فتكات Fatakat 110321 القاهرة – القاهرة
