السلام عليكم
ترجمتلكم الوصفة دى و انا اعتبرها وصفة مميزة
لأن الناتج بتاعها جبنة رائعة
الجبنة اللى بتتعمل فى البيت بتبقى كريمى جدا و طعمة موووووووت
الكيلو لبن بيطلع ربع كيلو جبنة
ماتنسوش التقيييم
الجبنة البانير
احد اصناف الجبن الهندى
1 لتر حليب
2 معلقة شاى عصير ليمون او خل
اغلى الحليب و بعد كده طفى عليه و اضيفى الخل او الليمون
حاتلاقى الحليب عمل كتل
سيبيه يهدا شوية
بعدين هاتى شاشة او فوطة مطبخ و حطيها فى مصفى و صفى فيها الحليب
ماتنسيش تحطى حاجة تحت المصفى عشان تجمعى السائل اللى حايطلع منها لأنه مفيد و ممكن تستعمليه فى الطبخ
ممكن تنكهى الجبنة بالزعتر الجاف
او النعناع الجاف
وذلك بخلطهم مع الكتل و تقليبها معهم
صفى الجبنة لمدة ساعة لو عايزاها طرية و لو عايزاها ناشفة جمعى الفوطة على بعضها كأنها صرة
و حطى عليها تقل عشان تصفى الميه اكتر
الف هنا و ادعولى
******
على فكرة كلية الزراعة فى اسكندرية بتبيع فى المنافذ بتاعة البيع بتاعها لبن منزوع الدسم (يسمى لبن فرز)
سعر اللتر 3.25 جنيه
و ده مناسب لعمل الجبن عشان تكلفة الربع كيلو جبنة حاتبقى 3.25 جنيه
ايه رأيكم بقى
مواضيع هذا القسم برعاية
ريمونتى ريمونتى 48957_1.gif فتكات غالية قوي Fatakat 48957 الأسكندرية – مصر