السلام عليكم ورحمة الله وبركاته يا فتوكات ياحلوين وحشتونى
انا جايبة ليكم النهاردة طريقة حلوة قوى لحفظ الملوخية والله
انا مجرباها وباعملها على طول انتم كمان جربوها وهتدعولى
ودى طريقتها
اول حاجة نجيب الملوخية ونقطفها وبعدين نغسلها كويس
وبعدين نجيب اكياس من اللى بنحفظ فيها الحاجة فى الثلاجة
ونحط فيها الملوخية وهى مبلولة بالمية ونفضل نكورها لحد مانكبسها
وتبقى كورة جامدة وبعدين نحفظها فى الثلاجة لمانيجى نستخدمها
نكون مجهزين الشوربة على البوتجاز وبتغلى نطلع الملوخية من الفريزر
وهى متلجة ونجيب المبشرة بتاعت البصل ونبشر بيها الملوخية وبعدين
ونحطها فى الشوربة ومننساش طبعا التقلية بتاعتها الثوم والكسبرة الناشفة
والله اكنها خضرة ولسة جيباها من السوق وخرطاها بالمخرطة
ملحوظة اوعى تنسى تشهقى وانتى بتحطى التقلية ههههههههههههههه
مواضيع هذا القسم برعاية
خربوطة خربوطة فتكات نشيطة Fatakat 324940 المنصورة – جمهورية مصر العربية