طريقة جديدة لعمل الكوسة
واسمها الكوسة بالجبنة
ولادى مكنوش بيحبوا الكوسة ومن وقتها و هما بيحبوها
المكونات: كوسة,جبنة رومى(تركى)مبشورة,بيض,توم,زبدة,ملح,فلفل اسود
الطريقة:
اولا تغسلى الكوسة بعد كدة تقطعيها ترانشاط مش تخينة ولا رفيعة
وبقشرها بعد كدة تجيبى صنية وتحطى فيها الزبدة و تقطعى فصين توم شرايح رفيعة و تشوح التوم بس من غير ما يغمق بعد كدة تضيفى الكوسة مع قليل من الملح بس مش كتير علشان الجبنة فيها ملح تقلبى الكوسة شوية فى التوم بعد كدة تسيبيها تستوى مع شوية مية وتسبيها لغاية ما تستوى بعد ما تستوى الكوسة تضربى البيض مع فلفل اسود و تحطيها على وش الكوسة وفوقها الجبنة المبشورة و تسيبيها لغاية البيض لما يستوى و الجبنة تسيح بس تهدى النار عليها علشان البيض ميتحرقش من تحت و هو لسة مش استوى و دى بتتعمل على النار من فوق مش الفرن .
وبالهنا و الشفا
مواضيع هذا القسم برعاية
زهرة سالم زهرة سالم 148347_1.gif فتكات نشيطة Fatakat 148347 فى حضن بناتى – مصر