بسم الله الرحمن الرحيم
يارب كلامى يعجبكم
واكون افتدكم بشئ
وياريت تدعولى حتى بظاهر الغيب
طريقة التخسيس بدون ريجيم
1-مفيش اى اكل بعد الساعه 7 بالليل عشان الحرق بيبقى بطئ ولو جعانه هاتى ورق كرنب نى واغسليه وكليه هيشبعك جدا وهيخلى جسمك مكنة حرق دهون
وبلاش ناكل وننام لا صبح ولا ليل
2-المشروب السحرى 3 مرات فاليوم ويفضل قبل كل وجبه بتلت ساعه ودى طريقته
معلقة كمون مطحون
نص معلقه جنزبيل مطحون
ربع معلقه قرفه مطحونه
ونص معلقه شمر مطحون او حب لان المطحون منه نادر لما بلاقيه
و شريحتين لمون بالقشر
تلقميهم فكبايه
وتغلى الميا وتصبى عليهم وتقلبى وتغطيه عشر دقايق
بعدها ممكن تشربيه دافى وممكن تسيبيه لما يبرد خالص وتشربيه
الكمون حلو جدا للتخسيس بس لما تشربيه الصبح لازم تفطرى بعد التلت ساعه عشان ميبقاش على معده فاضيه
الجنزبيل هايل للتخسيس بس فى بيقول بيرفع الضغط وفى بيقول بيوطيه وغير كده هو بيزود ضربات القلب فبلاش مرضى القلب ياخدوه
الشمر بقى ميه ميه بس بيزود هرمون الحليب يعنى الناس اللى مستنيه حمل متاخدش منه
والمشروب ده بيشيل الدهون المتراكمه من الاماكن اللى فيها دهون بس فبيبان انك خسيتى جامد فالشكل واللبس لكن بيبان على الميزان بعد مده بيخسس 7 كيلو فالشهر
3-نشرب اقل حاجه 2 لتر ميا فاليوم ومنشربش وسط الاكل يا قبل يا بعد الاكل بنص ساعه او اكتر
—————————————————————————–
اللى هيلتزم بال3 حاجات دول زى ما قولتهم والله بإذن الله هيخس وانا مجرباهم على نفسى بس مشكلتهم الوحيده الكسل فى الالتزام فقط
اللى حابه تزود على ال3حاجات دول
ممكن تشرب كل يوم كباية لبان دكر وتمشى ساعه كل يوم لو مش حابه عادى هتخس بردو ان شاء الله
السلام عليكم يافتوكات
ساسو دى انا ساسو دى انا 656306_16.gif سوبر فتكات Fatakat 656306 القاهره – مصر