صباح الخير عليكم
انا حبيت اعرفكم الطريقه اللى بستخدمها ف السلق اللحمه والفراخ وكمان طعم الشوربه اللى يجنن
عشان ف شوربه بتبقى خفيفه وملهاش طعم
الطريقه بقى م فيش اسهل منها هتقطعى بصله متوسطه كدة وعليها طمطمايه بردة
وتخلطيهم كويس قوى بملح وفلفل اسمر تركنيهم على جنب
هتسخنى الحله دقيقتين ع النار وبعدين تنزلى عليها باللحمه او الفراخ بعد غسلها وتقلبيهم دقيقتين بس
هتلاحظى ان الميه بتاعتهم بتنزل ف الحله تروحى نازله عليهم بالبصل والطماطم اللى انتى م تبلاه
وتسيبيهم حواللى 5 الى 10 دقايق كدة باختصار هينزلوا الميه واللحمه والفراخ تتشربها
اهم خطوة بقى خطوة تزويد الميه عشان الشوربه اوعى تمللى الحله قوى عشان م تبقاش خفيفه وملهاش طعم
انتى هتحطى تقريبا لتر ميه واحد ولو احتجتى عادى بتزودى وم تنسيش بقى ورق اللورا والحبهان والمستكه
وتظبطى الملح ف الاخر
ملحوظــــــــــــــــــــه مهمه قوووووووووووى / الميه اللى تزوديها لازم تبقى سخنه عشان م تعملش ريم
وممكن تسخنيها ف الكاتيل توفيرا للوقت
ياريت بقى اللى يعجبها الموضوع تدعيللى دعوة حلوة كدة بصلاح الحال وراحه البال والزوج الصالح وعارفه كرمك انتى وهيه
يعنى هــ تدعيللى وهـ تقيمى كمان
مواضيع هذا القسم برعاية
فوضت الامر لله فوضت الامر لله 67661_6.gif سوبر فتكات Fatakat 67661 ف الدنيا اللى وجعتنى قوى – egypt