السلام عليكم
كل سنه وانتن طيبات
النهارده هقولكم على اكله مش كل الناس تعرفها
اكلة انما ايه حتكلوا صوابعكم وراها
مش مصدقني
طيب حتشوفوا
نبدأ هاااااااا جاهزين ولا نستنا شوية
نستنا شوية!!!!
بصل قاورما باللحم
(المقادير):———
1 كيلو لحم بتلو اوضاني يعني اللي تحبية واللي يعتبر خفيف بالنسبة لك مقطع مكعبات صغيرة.
1/2 كيلوبصل قاورمة (البصل الصغير جداااااا) مقشر ومغسول .
2 كوب عصير طماطم
مقدار من الزيت يعني حوالي 1/4 كوب
ملح – فلفل اسود- 1م جوزة الطيب – 1م حبهان مطحون-1/2م قرفة اذا كنتي بتحبي مذاقها
يعني اضافة التوابل متروكة لذوقك انتي.
2 م ثوم مفروم.
الطريقة :———————
1- تحضري طاجن وتضعيه علي النار حتى يسخن وضعي فية الزيت ثم تضعي فيه البصل القاورمة
وتحمري البصل حتى يصبح لونه بني
2- تنشلي البصل من الطاجن وتضعي مكانه اللحمة المكعبات وتحمريها حتى يتغير لونها ويصبحا ايضا بني يعني لما تنزل ميتها وتشربها وتجف
3- بعد كده تضعي البصل مره تانية علي اللحمة في الطاجن وتقلبيهم جيدا.
4- بعد كده تضيفي عصير الطماطم وجميع التوابل مع ترك قليل من جوزة الطيب والحبهان والقرفة علشان تخلطيهم مع الثوم وتضعيهم علي القاورمة بعد ما تستوي
5- تترك علي النار حتى تنضج اللحمة وبعد ما تتاكدي ان اللحمة استوت ضعي باقي التوابل مع الثوم
ثم ضعي القاورمة تحت الشوايه حتي يحمر لونها من فوق وبعد كده خرجيها
وتغرف في طبق التقديم وتجمل بالبقدونس المفروم
وبالهنا والشفا
متنسوش التقييم وبلاش بخل
مواضيع هذا القسم برعاية
ست مزه ست مزه 493431_4.gif سوبر فتكات Fatakat 493431 القاهرة – مصر