بسم الله والصلاة والسلام على اشرف خلق الله سيدنا محمد عليه الصلاة والسلام
انهارده هقدم احلى طاجن واحلى طعم للاسماك البحريه
نزلت سوق ابو قير بتاع السمك واشتريت اسماك بحر ومنها شروة اخطبوط
على فكرة طعمه حلو جدا احلى من السبيط
وارخص كمان يعنى انا جيباهم دول ب 15 ج
والسبيط ب 45 ج ك
وعارفه ان فى ناس بتشوفو فى السوق ويقرفو من شكله او يقلو صعب تنظيفه
انا هوريكو ان تنظيفه سهل جدا اسهل من السبيط
ومش بياخد وقت خالص وقبل ما نسى عشان انا عملت موضوع لطريقه تنظيف الجمبرى
وده لينك الموضوع
بالصور طريقة تنظيف الجمبرى من مطبخى
انهارده هنعمل الاخطبوط وهكمل ان شاء الله بقية الاصناف الموجوده بطريقة التنظيف والطبخ
وازاى تعرفى ان الكابوريا النتاية من الذكر لان كلنا عارفين النتاية احلى ولحمها اكتر وفيها بتاريخ
نبتدى بصور السمك الى جبته وهشرح طريقة طاجن الاخطبوط
كابوريا
سمك موزه وسمك بربون وسمك زكى على رائ بنتى بسريا
طبعا فويدها اكتر من اى نوع سمك واكتر من الجمبرى انا بجبها الصبح نفطر بيها وبناتى مسمينها السمك الزكى
لانه بيمنح الزكاء للاطفال
سبيط وطرقته هتكون نفس طريقة الاخطبوط
نبتدى اول حاجه طريقة التنظيف للاخطبوط
حلة مايه ومعها ملح ونسبها تغلى ونسقطه فيها
بالشكل ده هتلاقى المايه بقى لونها بنفسجى هتسبيه لحد ما تطلعى منه وحده وتشوفى الجلد ابتدى يقع
هطفى عليه
تبتدى تحت الحنفيه تشطفيه
بصى بينضف لوحده ازاى ولحمه ابيض فله
هتقطعيه قطع صغيره
طريقة عمل الطاجن
بصلتين كبار مقطعين كبير + قرن فلفل حامى حسب الرغبه
فصين توم وفرميهم + طماطم مبشوره
هنقلى البصل مع الفلفل فى الزيت لحد ما يدبل
وننزل عليه بالثوم
اول ما تشمى ريحة الثوم طلعت حطى الطماطم
وعليها الملح والكمون ولو عندك جوزة الطيب ابشرى حبه
اتسبكت ضيفى الاخطبوط ليها وقلبى وسبيها لحد ما تنشف شويه او تتسبك على الاخر
وهتبقى بالشكل ده
والف هنا
يارب يكون الموضوع عجبكو ومستنيه تعلقتكو ومتنسوش تدعولى بتفريج الهم وفك الكرب
رااااااااااااااااااايحين فين قيمو يا قمرررررررررررررات
مواضيع هذا القسم برعاية
وعد البرنسيسة وعد البرنسيسة 493942_8.gif ممنوعة من المشاركة Fatakat 493942 الاسكندرية – مصر