ملخص للى حصل مع منى رحمها الله على يد د.بسمه مكين فى المنيل:
منى كانت بتعانى من اعراض تسمم حمل ( انتفاخ وتورم فى الجسم) ومتعرفش وراحت لد.بسمة مكين العيادة وقالتلها (متكليش الفترة اللى جاية كذا وكذا…) ولم تعلم ان هذا التورم من اعراض التسمم وقالتلها بالنص (مش عارفة اشوف الجنين من طبقات بطنك السميكة) وطلبت تحليل بول وبراز..
تانى يوم راحتلها بالتحاليل وكانت نسبة الزلال +2 ودى نسبة عالية جدا وكافية لتعرفها وجود تسمم حمل لكن كان ردها ( خدى بانادول واشربى كركديه!!!!!) وقالتلها عيدى التحاليل كلها تانى.
وكان المفروض تنقلها للمستشفى فى الحال لكن طبعا لم يحدث وطلبت منها تعيد التحاليل تانى وقالتلها (ابقى قيسى الضغط برة وتعاليلى).( الهانم معندهاش وقت تقيس الضغط للمريضة وقالتلها ادفعى 100 جنيه للممرضة قبل ماتمشى تمن السونار)..
واعادت رحمها الله التحاليل وزادت نسبة الزلال ل+3 وعندما وصلت العيادة بالتحاليل المطلوبة بدأت تشعر بتعب شديد وهى لا تعلم انها تحتضر وقعدت تبكى بشدة ومش قادرة تقف ود.بسمة مكين كانت بتتهمها بالدلع وانها معندهاش حاجة اصلا وبتعانى من السمنة وعلاجها الكركدية والبنادول!!!
وعندما وصلت للمستشفى الفرنساوى توقف قلبها ودخلت فى غيبوبة لمدة 7 ايام واثناء ذلك قاموا باستخراج الجنين بنت متوفاه بفتح بطنها دون تخدير وبعدها بايام صعدت روحها الى بارئها والاستشارى قال انه كان من الممكن انقاذها لو جاءت قبل هذا الموعد بيومين فقط ده قضاء الله ورينا يرحمها برحمته الواسعه ويصبر اهلها على فراقها
هدفنا دلوقتى ان محدش يحصل معاه ذى اللى حصل مع منى فعملنا صفحه
"معا لوقف دكتوره بسمه مكين وغلق العياده " على الفيس بوك عشان الناس متتخدعش فيها وتتأذى من جهلها وجشعها واهمالها..وحسبنا الله ونعم الوكيل فى كل واحد ميراعيش ضميره ميراعيش ربنا فى عمله ويتسبب باهماله فى اذية الناس و موتهم…
لوزة 990 لوزة 990 فتكات حبوبة Fatakat 741322 القاهرة – مصر