بسم الله
بجد والله جميله و مش مكلفه و احلي من بتاعت
الحااااااااااااااااااااااااااااتي
المقادير
نص كيلو مفروم
بصله مبشوره متوسطه
ملح وفلفل و بهارات جيده
نص رغيف عيش مبلول..ايه.. اه يعني منقوع في مايه لمده 5 ق
حلقات بص و طماطم
معلقه زبده
الطريقه
نبشر البصله و ندعكها بالملح والفلفل و البهارات ثم نعصر العيش كويس و نعجنه مع البصل ثم الحمه المفرومه و نقلبهم كويس و
نشكلهم علي شكل صوابع و نحطهم في صينيه فيها معلقة الزبده ونرص عليها حلقات الطماطم و البصل ثم صوابع الكفته و نص كوباية مايه ضغيره و حطي صينية الكفته علي البوتجاز حوالي 7 دقائق و
بعدين دخليه الفرن تنشف و تاخد لون .
و هي في الفرن ولعي علي فحمه و اول ما
تستوي حطي الفحمه المولعه علي طبق فنجان في وسط الصينيه
و اطفيها بمعلقة زبده و غطي بسرعه و بعد 5 ق اكشفيه و دوقي
سسسسس…………. ريقي جري
و بالف هنا و شفا ممكن تبقي وجبة غدا و جنبها
مكرونه بالصلصه و طبق سلطه خضرا وطبق بطاطس محمره
و ممكن تقدميها في العشا سندوتشات في عيش بلدي مع
شيبسي و سلطة طحينه او سلطه
و ان شاء الله تنال اعجابكم بالف هنا
مستنيه ردودكم الجميله
و خصوصا اللي جربوها لازم يقوللي رايهم
مواضيع هذا القسم برعاية
مامة حماده مامة حماده 366924_1.gif سوبر فتكات Fatakat 366924 القاهره في حضن ابني حبيبي (ربنا ما يحرمني منه ابدا و يقدرني اسعده) – مصر