ده اول موضوع ليا في القسم مع اني دايما معكم واتعلمت كتييييير منكم انهردة جيبلكم صينية الكفتة بحلقات البصل والطماطم والبطاطس والفلفل كماااان ندخل على المقادير نص كيلو لحمة مفرومة بصلتين مفرومين بصلتين مقطعين حلقات 3 بطاطس مقطعة حلقات 3 طماطم مقطعة حلقات 3 فلفل اخضر مقطع حلقات نص كوباية شوربة نيجي بقى للطريقة سهلة جداااااااا بنجيب اللحمة ونضربها في الكبة مع البصل المفروم وده بيبقى شكلها بعد لما ناخدهم ضربة كده بعد كده بناخدها نصبعها بس نفس شكل الطعمية مبططة ونحطها في الدقيق وده بيبقى شكلها وبعدييييين نروح قالينها في شوية زيت وحتة سمن صغننة وشكلها بعد القلي هيبقى كده وبعد كده نسيب الكفتة تهدى شوية ونحضر الحضار اللي قولنا عليه ده ونقطعه حلقات بعد كده نبدا نرص الخضار مع الكفتة في الصينية انا حطيت واحدة بصل وبعدها الكفتة وبعدها واحدة بطاطس وبعدين الطماطم والفلفل علشان الكفتة تبقى بين البصل والبطاطس بعيد عن الطماطم علشان متبقاش طرية اوي وده شكل الصينية بعد لما رصيتها بعد كده يا فتوكات بنوزع عليها نص كوباية الشوربة وندخلها الفرن ونفضل نشوف البطاطس لحد لما تستوي ويا سلالالالام لو بعد لما تستوي نحط فحمة حلوة كده نغطيها وندووووق احلى طعم شوي للخضار والكفتة وده شكلها بعد لما استوت طعمها جااااااااااامد جدا بجد والخضار من جماله بيتاكل قبل الكفتة هتعجبكم يا ريت تجربوها وده اول طبق مني لاول فتوكة هترد وتقيمني كمان يا رب تكون عجبتكم ومتنسوش التقييم وإلالالالالالا انتم عااااارفين هههههههههه أحبكم في الله مواضيع هذا القسم برعاية aya1982 aya1982 153196_3.gif فتكات متميزة Fatakat 153196 القاهرة – مصر