بسم الله الرحمن الرحيم
ازيكوا يا فتاتيك يارب تكونوا بخير انا النهارده عملت صينية خضار بالفراخ فى الفرن
بس طلعت روعة وده شكلها قبل ما ابدا علشان افتح نفسكوا
نبدا بسم الله
المكونات فرخة انا باستخدم فراخ صغيرة 800 جم وبنقطعها الصدر لوحده وكل ورك لوحده
بصلة كبيرة
ليمونة كبيرة
ملح وفلفل وقرفة وبهار وشطة ودى اختيارى
فى الكبة حنفرم البصل مع التوابل ونضيف له عصير الليمون وندعكها كويس ونتبل بيها الفراخ بالشكل ده ونسيبها
مش اقل من 4 ساعات ولو باتت تبقى احسن
بعد كده نحضر الخضار 3 كوسة ,بطاطساية , قرن فلفل صغير, جزرة صغيرة, طمطماية, بسلة حوالى ربع كيلو
حنقطع الخضارونخلطه على بعضه بالشكل ده
بعد كده حنشيل البصلة المفرومة من على الفراخ وناخد البصلة دى ونخلطها مع الخضاربس ححنسيب شوية من البصلة دى على جنب
حوالى معلقة كبيرة كده وحنقول ليه دلوقت وده شكل الخضار بعد ما خلطناه مع البصل فى الصينية
بعد كده حنرص عليها الفراخ وحنجيب البصل اللى سيبناه على جنب حنحط عليه نصف طماطماية مبشورة وقطع صغيرة من الفلفل الاخضر ورشة صغيرة ملح
وده شكلها ودى علشان نحطها على وش الفرخة
وده شكل الصينية بعد ما حطينا الخلطة دى على وش الفراخ ونجيب معلقة زبدة نوزعها على الصينية
وده شكل الصينية قبل ما ندخلها الفرن
بعد كده نحط عليها نصف كوب ميا و ندخلها الفرن بس نلفها كويس اوووووووووى بورق الفويل وغطاء كمان وننساها فى الفرن وبعد ساعة وربع كده نكشف عليها ونولع الشواية علشان الفراخ تتشوى ودى النتيجة فى الاخر
وعلى فكرة ممكن نبدل الفراخ بريش اللحمة بتبقى روعة برضة او لحمة بعظمها
ابقوا ادخلوا قولوا رايكم ولو عجبتكم ما تنسوش التقييييييم يا قمرات مواضيع هذا القسم برعاية
۩۞۩ الحمد لله رب العالمين ۩۞۩ ۩۞۩ الحمد لله رب العالمين ۩۞۩ 94824_2.gif سوبر فتكات Fatakat 94824 جدة & المنصورة بلدى حبيبتى – السعوديه دلوقت و مصر فى الاجازة
سبحان الله و بحمده