زى كل مرة انا صحى ومفيد ومش باحب كلمة دايت المفروض الاكل الصحى يبقى اسلوب حياتنا مش فترة وخلاص
المهم عملت النهاردة صينية سمك وشوربة سمك وقلت اجيبهالكو واثبتلكم ان الاكل الصحى مش اكل عيانيين زى ما كتير بيقولو هههههههههههههه
مقادير شوربة السمك البيضا
سمكة
بصلة صغيرة
مستكة وحبهان
معلقتين زيت
مية مغلية
الطريقة
نشوح المستكة والحبهان فى معلقتين الزيت ولما تدوب المستكة نحط السمك المغسول والبصلة مع بعض ونقفل الحلة بسرعة لحد ما ياخدو الطشة الاولانية وبعدين نصب فوقهم المية المغلية لحد ما تغطى السمك وتسيبيها تغلى تانى وتشيلى الغطى وتسيبى النار عالية لحد ما يبقى لونها ابيض زى اللبن
وبعدين ملح وفلفل ولمون وبالف هنا وشفا
مقادير صينية السمك
كيلو سمك
بصلة متوسطة
طماطماية صغيرة
بطاطساية كبيرة
معلقتين زيت
توم
زنجبيل
فلفل شطة
توابل
(ملح فلفل كمونشطةكارىجوزة الطيب)
الطريقة
اغسلى السمك كويس اوى وحطيه فى صينية وحطى التوابل كلها والبصل والطماطم ترنشات وفلفلة شطة حامية من غير تقطيع وابشرى الزنجبيل وجوزة الطيب وقطعى البطاطس ترنشت تخينة (اختيارى ممكن من غير بطاطس )واملى نص الصينية مية بحيث تغطى تلات اربع السمك حطى معلقتين زيت ودخليها الفرن وان شاء الله لما تطلع تاكلى وتدعيلى
التقييم اجبارى مش اختيارى
هههههههههههههههه
وادى صورة كمان من قريب علشان اغريكم هههههه
و
وده طبق سلطة لزوم الاكل الصحى علشان تقللى الرز او العيش
ممع تحيات اختكم مدمنة الاكل الصحى
مواضيع هذا القسم برعاية
همسة بس دوشة همسة بس دوشة 467531_12.gif فتكات غالية قوي Fatakat 467531 بورسعيد – مصر
