النهاردة باذن الله حنعمل صينية او طاجن العكاوى بالبطاطس وده طلب العضوة الجميلة (المختلفة)
المقادير
عكاوى مقطعة الى قطع
ورق لورى
حبهان
مستكة
بصلة صغيرة
بطاطس مقطعة الى دوائر او مكعبات حسب ماتحبوا
بصل مقطع
فلفل اخضر مقطع
طماطم مبشورة
كسبرة ناشفة
فلفل اسود
كمون
اول حاجة نعملها نغسل العكاوى كويس اوى ونسلقها فى ميه مغليه بها بصلة صغيرة وورق لورى وحبهان ومستكة حتى تستوى وفى نص السوى نحطلها الملح ولما تستوى نخرجها
نجهز صينية البطاطس نشوح البصل حتى يصفر ونضع الكسبرة الناشفة وننزل بالطماطم المبشورة مع الفلفل الاخضر ولما تتسبك ننزل بالبطاطس ونقلب ونحط الفلفل الاسود والكمون ولحمة العكاوى ونزود المرقة الكافية لسوى البطاطس ونضعها على النار لمدة ربع ساعة ثم ندخلها الفرن حتى تستوى وتحمر وبالف هنا وعلى فكرة ممكن نعمل كده مع اللحمة العجالى او الضانى مش لازم عكاوى
وده موضوعى السابق عن اكلات العيد
فتة وكرشة وفشة وممباااااااااار ضانى اتفضلوا مدوا ايديكم
https://fatakat.univanet.com/#5594464
مواضيع هذا القسم برعاية
شكشوكة بالفلفل شكشوكة بالفلفل 360618_8.gif ملكة فتكات Fatakat 360618 الاقصر – مصر