المقادير 2باذنجانة كبيرة =نص كيلو لحمة وفرومة=بصلة متوسطة=ملعقة صلصة=1فليفلة =فلفل حار حسب الرغبة =زيت للقلى =ملح وفلفل وبهارات ونص ملعقة صغيرة قرفة = ملعقة سمن كبيرة مقادير البشاميل =2 ملعقة كبيرة دقيق =2 كوب لبن =بيضة =شوية ملح وفلفل صغيرين =ملعقة سمن كبيرة = الطريقة=قطعى الباذنجان والفليفلة شرائح واقليهم فى الزيت بعد ماتسخنيه قوى طبعا بس اوعى تحرقيهم وتشيليهم نص سوا وتحطيهم على كلينكس عشان تصفى الزيت منهم =وبعدين ابشرى البصلة وشوحيها فى ملعقة السمنة لغاية ماتصفر =وحطى اللحمة وقلبى كويس وبعدين حطى الملح والفلفل والبهارات وقلبى وغطيها لحد ماتنزل ميتها قلبى تانى وغطى لغاية ماتستوى وبعدين حطى ملعقة الصلصة وقلبى كويس واطفى النار =واعملى البشاميل=حطى ملعقة السمنة ع النار وعليها الدقيق وقلبى بسرعة عشان الدقيق ميكلكعش منك وابتدى حطى اللبن شوية شوية مع التقليب المستمر بمضرب البيض وبسرعة لغاية مايغلظ قوام البشاميل بس مايكونش جامد ولا سايل ولو احتاج شوية لبن صغيرين عشان تظبطى القوام حطى مع التقليب برضه واطفى النار هاتى صينية ورصى فيها الباذنجان والفلفل والفليفلة وافردى عليهم العصاج =اضربى البيضة على البشاميل بسرعة وصبيه على الصينية ودخليه الفرن لغاية مالوش يتحمر طلعيها وقدميها مع رز ابيض او خبزوبالف هنا وعافية مواضيع هذا القسم برعاية
شمس المغيب شمس المغيب 62557_1.gif امبراطورة فتكات Fatakat 62557 الرفاع الشرقى – البحرين
سبحان الله و بحمده