صباحكم / مساءكم ورد الجوري
جبت لكم النهاردة طريقة عمل صينية الرقاق خطوة بخطوة
بمناسبة عيد الأضحي المبارك
وكل سنة وإنتم طيبين وبخير
المقادير
1/2 كجم لحمة مفرومة متعصجة ومتبلة
1/2 كجم رقاق
2 كوب شوربة مغلية وساخنة
خليط من سمنة سايحة وزيت
الطريقة
أول حاجة بافتح عين البوتاجاز الصغيرة وأوطيها جداً وبارفع
عليها الشوربة أثناء العمل لتظل ساخنة طوال الوقت
هنا انا فرغت الشوربة في صينية أكبر من الصينية اللي هارص
فيها الرقاق علشان أعرف أسقي الرقاق كويس من غير لكلكة
زي ما انتو شايفين كده دهنت الصينية بخليط السمنة والزيت
وبدأت اسقي الرقاق ورقة ورقة وارصها في الصينية
وبينهم أدهن المادة الدهنية لغاية ما وصلت لنصف كمية الرقاق
بعد كده أفرد العصاج علي الرقاق مع الابتعاد عن الحروف
وأعيد نفس العملية تاني
أسقي الرقاق بالشوربة وأفرد وأدهن مادة دهنية وهكذا إلي أن
تنتهي كمية الرقاق كلها
هيتبقي عندي حوالي ربع كوباية شوربة أو أزيد قليلاً
أسقي بيه وش الرقاق عشان مينشفش في الفرن
وبعد كده أدهن وش الصينية بباقي المادة الدهنية
مواضيع هذا القسم برعاية
فسدقة العفريتة فسدقة العفريتة 359802_1.gif فتكات نشيطة Fatakat 359802 المنصورة – مصر