بســـــــــــــــــم الله الرحمــــــــــــــــــن الرحيـــــــــــــــــــــــــــــم
ازيك يافتوكات ياحلوات عاملين ايه
وحشتووووووووووووووووووووووووووووونى ياقمرااااااااااااااااااااااااااااااااااات
النهارده انا طقت فى دماغى انى مش هحشى الحمام واعمل صنية بطاطس كنوع من التغير وبجد الجميع الحمد لله اشاد بيها كنوع من التغير وسهله لو عندك عزومة هتسعفك بدل ماتقعدى تحشى عدد كبيرة وكمان يافتوكاتى هى تعتبر خفيفة لانها نى فى نى مش هنسبك ولا حاجة
طب ماتيجوا بينا نشوف كده مع بعض هنعمل ايه وندخل المطبخ مع بعض
بس اولا ماتنسوش تتدعولى ان ربنا يصلح الحال و يختارلنا الخير ضرورى تتدعولى حتى لو فى سركم
ونشوف كده بقى صورة الاخيرة
ونقول بســــــــــــــــم الله ونبدا
دى مقادير لسلق الحمام و لصنية البطاطس
حمام متنضف و مغسول كويس
بصل مكعبات للشوربة – شرايح لصنية البطاطس
طماطم مكعبات – شرايح
بطاطسية صغيرة مكعبات – بطاطس شرايح
جزر مكعبات
فلفل شرايح
ملح – فلفل اسمر – بهارات – نص معلقة صغيرة سكر – ورق لورا -حبهان – مستكة
نعناع ناشف – رشة زعتر (بس دى نسيت اصورها )
عصير طماطم
اولا هنحط حته سمنة صغيرة ولما تسخن ننزل المستكة لحد ماتسيح وبعد كده ننزل بالخضار المقطع مكعبات ماعدا الطماطم ونقلبهم لحد ماتبداى تشمى ريحته
وبعد كده انزل الحمام و الطماطم المكعبات و ورق اللورا و الحبهان والفلفل الاسمر و البهارات
وبعدين ازود الحمام مياه بتغلى ونظبط الملح وممكن نزود مكعب مرقة لو حابين واسيبة نص ساعة لحد مايبقى نص سوا او تلات اربع سوا حسب ماانتى بتحبى سوا الحاجة
هنحيب الصنية بتاعتنا وندهنها سمنة ونحط فيها البصل وندعكه بالملح والفلفل الاسمر
وبعدين نحط الفلفل (انا هنا زودت قرن فلفل حامى) وشرايح الطماطم ونرش رشة من النعناع ورشة من الزعتر
وبعدين نرص البطاطس ونرش باقية النعناع والزعتر ونحط الحمام فوقية ونسقيها بعصير الطماطم بعد ماخد غلوة على النار ونغطيها بورق فويل
وندخلها فرن سخن جدا انا سبتها ساعة عشان اتاكد من سوا الحمام لانى بحب الحاجة زيادة زيادة زيادة سوااااااااااااااااااااا
وده شكلها لما اتسوت ,بعد كده عشان تاخد اللمعة الجميلة دى دهنت الحمام معلقة سمنة صغيرة على كيس كاتشب ودخلته تحت الشواية
ويقدم بالهنا على قلوبكم
يـــــــــــــــــاريت حبيباتى ماتنسوش الدعاء
ويــــــــــــاريت ماتنسوش التقييم لانى بزعل من عدد المشاهدات الكتير والتقييم و الردود القليلة
مواضيع هذا القسم برعاية
nonosmontaser nonosmontaser 97277_16.gif هونها يااااااااااااارب 🙂 Fatakat 97277 🙂 – بلاد الله الواسعة