عملت صينية بطاطس باللحمه المفرومه امبارح وقولت لازم اجى اوريها لفتوكاتى حبايبى
بس اعذرونى يابنات الصور مش واضحه اوى الموبيل بتاعى صورته مش اد كدا
اول حاجه طبعا عصجت اللحمه
حطيت البصل فى السمنه وشوحته لحد مصفر وحطيت اللحمه وتبلتها ملح وفلفل وبهارات وشوحتها لحد ما لونها اتغير واستوت وبقت كدا
بعدين انا مكنش عندى البطاطس الصغيره الى بتتحشى دى فجبت بطاطسايه كبيره عادى وقطعتها كبير وفضتها من جوه بمعلقه كدا
ودول كلهم لما قورتهم
طبعا الى طلع من جوه مرمتهوش
حطيته كله فى طبق كدا
بعدين قليت البطاطس فى الزيت يدوب تاخد لون كدا بس وبشيلها
حطيتها على مناديل مطبخ عشان تصفى الزيت بتاعها
بعدين حشيتها لحمه مفرومه وغطيتها عالوش بجبنه شيدر
بعدين ضربت طمطمايه فى الخلاط بحبة ملح وفلفل ورشيتهم على وش الصينيه ودخلتها الفرن وبعدين طلعتها فوق عند الشوايه عشان يحمر وشها
نص ساعه بلظبط وكانت مستويه والجبنه سايحه وطعمها يهبلللللللل
سورى يا بنات انا على ادى خالص فى الطبخ لانى لسه مبتدئه جديد
مواضيع هذا القسم برعاية
حبيييييييبة حبيييييييبة 665495_4.gif ممنوعة من المشاركة Fatakat 665495 القاهره – مصر