اخواتي في الله سلام الله عليكم ورحمته وبركاته.
طبعا لو عندنا باذنجان اول حاجة هنفكر فيها المسقعة لكن خلاص ملينا عايزيين تجديد ده اللى حصلي في يوم كنت عايزة اجرب البذنجان في أكلة جديدة واخترعت هذه الأكلة يلا نبدأ.
المقادير
– 2 كيلو باذنجان رومي – 1 بصلة – 3 بيضة – كوب حليب كبير – 2 ملعقة دقيق – 2 فص ثوم " مفيش ملح" – بهاراتك بكميات قليلة جدا- ثمن كيلوجبنة رومي قطع او مبشور للوجه
الطريقة
أ- نقلي الباذنجان وان كنت افضل دهنه بسيط ووضعه على الشواية وقلبة من الجهتين افضل من التحمير في زيت عزير. ثم يهرس بالشوكة جيداً.
ب- ندبل البصلة المقطعة قطع صغيرة في قليل من الزيت.
ج- نضرب بيضتين فقط مع الملعقتين دقيق ونصف كوب اللبن.
– نخلط أ ، ب ، ج مع بعضهم مع اضافة فصين الثوم بعد هرسهم وخلط المزيج جيدا بالملعقة.
– نضع المزيج في قالب بيركس وندخله الفرن حتى ينضج لحوالى 20 دقيقة ثم نخرجه ونضرب البيضة المتبقية مع نصف كوب اللبن ونضعه على الوجه وندخله حتة يحمر الوجه
– اخرجى الصينية مرة اخرى لتضعى الجبنة الرومي بعد احمرار الوجة وتدخليه الفرن حت تذوب الجبنة .
يمكن يتهيألكم ان خطواته كثير ابدا ابدا اول ما هتعمليه هتلاقيه اسهل واطعم وحلى من المسقعة.
بالهنا والشفا مواضيع هذا القسم برعاية
أسألك التقى أسألك التقى 110055_6.gif فتكات هايلة Fatakat 110055 القاهرة – مصر