مساء الفل
على احلى فتوكااااااات
النهاردة عملت لاول مرة البريانى الهندى بالفراخ البانية بس طلع تحفففففففة بشهادة الشهوداللى داقو طبعا وريحتو كمان تجنن وسهل خاااالص ماااالص
كفايه رغى وندخل ع الصور والمقادير بقى
منا عرفاكو تموتو فى الصور
2 كوب ارز بسمتى منقوع
نص كيلو فراخ بانية مقطعة بالطول او مكعبات
كوب عصير طماطم
2 معلقة زيت او زبده
بصلة مبشورة
5 فصوص توم مفروم
2 ورق لورا
2 كوب شوربه فراخ او 2 كوب ميه و2 مكعب مرقة
نص كيلو خضار مشكل ( بسله – جزر – بطاطس )
البهارات
1 معلقة من كل نوع
بابريكا – ملح – فلفل اسود – جنزبيل – قرنفل حصا – كزبرة ناشفة حصا -كركم – ينسون حصا – كبابه صينى حصا
الطريقة
فى طاسة نحمص البهارات الحصا مع الملح
وبعدين نطحنهم ناعم وناخد منهم معلقة
نشوح البصل فى الذبده حتى يدبل ثم نضيف التوم والجنزبيل
حتى يدبل وبعدين نضيف الفراخ
فى الحله بقى نشوح الرز البسمتى المنقوع مع الذبدة
وبعدين نضيف الخضار
ونقلب وبعدين نضيف الفراخ اللى شوحناها
ونضيف معلقة من البهارات اللى طحناها وبقيت البهارات وورق اللورى
ونضيف عصير الطماطم
والمرقة ونقلب
ونسيبة يستوى وبالهنا والشفا
بجد تحفففففة
لازم تجربوه
دى صورتة بعد ما استوى
بس كدا يا معلمين الاكله خلصت واكيد شمين الريحة اصله ريحتة قلب العمارة والشارع كمان
ومش كل مرة هقول لكو التقيييييييييييييم
وكمان دعوة حلوة كدا
مواضيع هذا القسم برعاية
مونى كوين مونى كوين 472399_18.gif فتكات ست الكل Fatakat 472399 فى قلب جوزى – عش الزوجية