السلام عليكم ورحمة الله وبركاته
دي بقى يا فتوكات طريقتى فى عمايل الشيش طاووق انا فى العادة بعمله مع ارز بسمتى بس النهاردة مكنش عندى فقررت اعمل جنبة ارز بالصلصة
طريقة الشيش طاووق
1/2 كيلو لحمة مكعبات
التتبيله بقى
بصلتين متوسطتين + 5 فصوص ثوم متوسطين + ملح وفلفل اسود وبهاراتك وتوابلك + ملعقه كبيرة صلصة طماطم + ملعقة كبيرة خردل ( مستردة ) + ملعقه كبيرة شطة حاره سايله ( ممكن تستغنى عنها ) + ملعقه خل + 1/2 ليمونه + صلصه الشواء ( الباربيكيو ) ممكن تسغنى عنها بردو (( بس دى تتبيلتى المفضله ))
* كل ده فى الكبه وخليه ناعم اوي
* تبلي اللحمه واتركيها حوالى 5 ساعات ( ممكن من قبلها بالليل )
* قطعى بصله كبيرة وفرطيها من بعض مكعبات
* فلفل رومي مكعبات
* طماطم مكعبات
* في اسياخ الشيش طاووق (( موجوده فى محلات 2 ونص )) ضعي في كل سيخ قطعه لحمه ثم مكعب بصل ثم مكعب فلفل ثم مكعب طماطم ثم قطعة لحمه وهكذا وهكذا
* فى السيخ الواحد حوالى 4 او 5 قطع ورصيهم فى صينيه
* وبعدين ضعي باقى التتبيله اللى فى الطبق عليهم شويه ميه وارفعيه على النار وقبل ما تستوي بحبه صغيرين دخليها الفرن ( وممكن تسويها كلها من فوق البوتاجاز ولو احتاجت ماء اضيفى لها تدريجيا )
وده شكلها بعد ما استوت ( قولو بسم الله )
طريقة الارز بالصلصه
* ارز بالشعيريه عادي جدا
* لعمل الصلصه الاولى
كوب عصير طماطم + خل + ثوم + ملح وفلفل وتوابل
ضعي الثوم على النار مع قليل من الزيت وطشيهم بشويه خل ثم اضيفى عصير الطماطم والملح والتوابل وملعقه صلصه واتركيه لغاية ما يتسبك
* الصلصه الثانيه ( زي الفته )
اقدحى قليل من الزيت ثم الثوم وطشيهم ايضا بالخل ( لما تيجي تطشيهم بالخل شيلى الحله من على النار تجنبا لاى اصابه )
بعد ما الارز يستوى ضعيه فى طبق التقديم وزينيه بالصلصه وطشه الخل ودى الصورة
شويه مخلل او سلطة بقى وبالهناء والشفاء
ادعولي بقى وادعو لاختى بالذريه الصالحه
وكل اللى تدخل تقول رأيها بصراحه تامه مش هزعل والله
احبكم في الله مواضيع هذا القسم برعاية
MarMora MarMora 140849_6.gif سوبر فتكات Fatakat 140849 القاهرة – قلب زوجي وبنتي رودينا