السلام عليكم و رحمة الله و بركاته
هوريلكم شوية حاجات بالاسعار علشان انا بستفاد منكو كتيررررررررر اووووووووووووى و الله
و رغم نصايحكوا و الكلام الكتير الحمد لله ادبيت فى طقم الحلل السيراميك و ده نتيجة الاستعجاااااااااااال خوفت الفلوس تطير صممت مروحش الا و انا شارياه بس بعد ما اشترتهم ركزت بقى و فهمت ازاى اعرف الحلة السيراميك الكويسة بس كان فات الاوان معلش معلش برغى بس انا بس عايزة اقولكوا محدش يستعجل و الله علشان محدش يدب زيى و اسألى كويس و متبينيش للبياع انك مش فاهمة و لما هو يحسسك انك مش فاهمة حاجة او يسخر من كلامك خليكى واثقة من نفسك علشان حاجة من اتنين يا اما هو جاهل و انتى صح يا اما بيستعبطك علشان يدبسك فى اى حاجة و خلاص
و ده موضوع ليا قبل كده برضه فيه شوية رفايع بالاسعار
https://fatakat.univanet.com/#4270294
يلا نبتدى
طقم بيركس فرنساوى انا ده نزلته مخصوص لانى دوخت فيه الفرنساوى منتشر اوى 3 قوراب بيضاوى او اتنين كده بس و انا كنت بدول على طقم يكون فيه قطع مختلفة و اخيرا لقيته ب 165 فاللى بدور زيى متيأسش تدور تانى
قارب مستطيل كبير
قارب بيضاوى كبير
قارب مدور السور بتاعه واطى و مشرشر كده
حلة بغطا
صنية للكيك انا مش عارفة خامتها ايه بس عجبتنى فكرتها هى 3 قطع واحدة مدورة بقفل من الجنب علشان تتفك و تطلعى التورتة و قطعة قلب تحطيها جواها علشان تعملى تورته قلب و واحدة مخرومة تحطيها جواها علشان تعملى الكيك المخروم و سعرها 26 جنيه لان خامتها خفيفة شوية
طقم توزيع تيفال زهران جايباه للسيراميك ب 65 جنيه
طقم كاسات ب65 جنيه بس شوفته فى نفس المحل بعدها ب 70 جنيه
و دى كاسات ايس كريم او خشاف او رز بلبن انا بالنسبالى كلهم زى بعض مبعرفش اجيب لكل حاجة ب 60 جنيه نفس موديل الكاسات غالبا
و ده طقم خشاف بقى للضيوف اللى فوق ده ليا فى البيت ده ب 140 و فى حاجات اغلى من كده كتيرررررررر و فى حاجات فى حدود 60 و 90 و شكلها حلو برضه
تابعوووووووووووووووووووونى
lolo_17 lolo_17 730895_6.gif ممنوعة من المشاركة Fatakat 730895 الاسكندرية – مصر