السلام عليكم انا جيت احكيلكم على قصتى مع نوع الجنين انا فى اول الشهر السادس ادعولى ربنا يكملى على خير انا وكل الحوامل ويرزق كل مشتاقه اللهم امينانا معايا ولد عنده سنتين ونص ربنا يحفظه ياارب ونفسى اوووى فى بنوته ومن اول يوم عرفت فيه انى حامل وانا بدعى ربنا ليل نهار يرزقنى ببنت انا كنت بتابع عند الدكتورة بتاعتى فى المدينه اللى عايشه فيها لحد الشهر التالت زوجى سافر وانا روحت عند ماما وجيت اول الشهر الرابع روحت لدكتورة عماله تودى السونار يمين وشمال المهم سالتها النوع ايه قالتلى مستعجله ليه بنعرف فى الخامس وسكتت شويه وبعدين قالت هوعامل مؤدب وقافل رجليه وبعد شويه قالت بصى هو فى حاجه بين رجليه تقريبا ولدقولت الحمد لله روحت من عندها وبرضو كلى امل ويقين ان ربنا هيرزقنى ببنت وبقيت فى كل فرض وكل سجده ادعى ربنا واقول اللهم اجعل ما فى رحمى بنت روحت بقا عند الدكتورة بتاعتى وانا رايحه كنت خايفه اووى وعماله ادعى ربنا انها تقولى بنت اول ما حطيت السونار على بطنى قالت وووولدقولت الحمد لله بس بصراحه كنت زعلانه قووى روحت بقا البيت وفضلت اعيط عياطولقيت جوزى بيتصل هااا عملتى ايه انتى بتعيطى يبقا ولد فضل يسكتنى ويقولى ارضى باللى ربنا كاتبه وصبرنى شويه بس فى مشكله بقا دلوقتى انى لسه جوايه احساس ان ربنا هيدينى بنت مع ان الدكتورة قالتلى 90 فالميه ولد ….معلش طولت عليكم ادعولى اقوم بالسلامه لابنى ………بحبكم فالله
Rosee Women Rosee Women فتكات نشيطة Fatakat 1199731 الطور – مصر
سبحان الله و بحمده