السلام عليكم
و رحمة الله
و بركاته
ازيكوا يا فتوكات انا انهارده عملت شوية عدس ايه تحفة والله ده بمناسبة السقعة اللي احنا فيها
فقلت لازم و حتما و لابد اوري فتوكاتي و كمان طبق مسقعة عشان الحبايب لولولولوليييييييييييييييييييييييي
بسم الله نبتدي بالعدس /نص كيلوا عدس اصفر
2 طماطماية
جزراية حلوة و بطاطساية مدلعة
و بصلة متوسطة و 4 فصوص توم
نغسل العدس حلو اوي لحد لما مايته تبقي شفافة و و نحط عليه الطماطم و البصل و البطاطس و التوم و الجزر و نحمر 4 فصوص توم تاني لوحدهم و نحطهم عليه و نسيبهم يغلوا ع النار
و نسيبهم تلت ساعة و بعدين نهدي النار و نحط لهم مرقة دجاج و لو عندك شوية شوربة و كل شوية يا فتوكة تقلبيه عشان ميتحرقش منك
و بعدين لما يستوي كويس نسيبه يهدي خالص و لما يبرد نضربه في الخلاط كويس و بعدين نرجهه الحلة و نحطله كريمة او شوية لبن و التكة دي عرفتها هنا من فتوكة و جربتها و طلعت تحفة و متنسيش يا فتوكة طبعا توابلك بقي ملح كمون و فلفل و في الآخر انا بسيح معلقة سمنة ع النار و اطشها بيبقي تحفة جربوه و انشاء الله يعجبكم
ايه رأيكوا بقي لو قيمتوني كويس هنزلكوا المسقعة و لو محدش قيم الموضوع
(هحط السيخ المحمي في صرصور ودنه )ههههههههههههههههههههههههههههه
و دي صورة تشويقية للمسقعة
مواضيع هذا القسم برعاية
الشيف بوسي الشيف بوسي فتكات حبوبة Fatakat 1084508 اسكندرية – مصر
