ازيكم ياقمراااااااااااات عاملين اية وحشتوني اووووووي
النهردا انا جيبالكم طريقة حلوة اوووي لشورما الفراخ دايت
طريقتها سهلة جدا وهي من اختراعي
ندخل في الموضوع علطول ويااااااااااارب تعجبكم
المقادير:
1/2كيلو صدور فراخ
2ثمرة طماطم
2ثمرة فلفل رومي
3فص ثوم مفروم
بصلة كبيرة شرائح
جنزبيل فرش
ملح وفلفل
2معلقة كاري
5معالق سماق
الطريقة:
صدور الفراخ هنقطعها شرائح رفيعة جدا مثل تقطيع الكبدة الاسكندراني
في حلة او طاسة المهم تكون تيفال هنحط فيها شرايح البصل ونفضل نقلب نقلب لحد ما يزبل من غير لازيت ولا سمن ولا اي حاجة
وبعدين هنضيف الثوم المفروم وبرضة نقلب نقلب علطول عشان ميتحرقش
نحط فوق الثوم الفلفل الرومي بعد ما نقطعة شرائح
هنحط الجنزبيل الفرش +الملح +الفلفل +الكاري +السماق
كلة علي بعض علي الخليط السابق
هنجيب صانية فرن ونحط بها كل المكونات دة+الفراخ بتاعتنا اللي مقطعنها شرايح ونقلب كل الخليط مع بعض ونحط شوية مياة صغيرين خالص ونقفل الصانية بورق فويل ونسيبها حتي تستوي بالفرن
هنطلعها نقطع عليها الطماطم مكعبات صغيرة ونحطها شوية تحت الشواية
هتبقي حلوة جدا وخفيفة جدا جدا
من غير اي دهون
ياااااااارب تعجبكم
وادعولي اخس
واسيبكم مع الصورة
معلش اصلي كنت جعانة اووووي مصورتهاش غير صورة واحدة
يااااارب تبان وتعجبكم يارب
مواضيع هذا القسم برعاية
omyoyo60 omyoyo60 236397_1.gif فتكات غالية قوي Fatakat 236397 القاهرة – مصر ام الدنيا
سبحان الله و بحمده