انهارده جيبالكم شوربه لذيذه
دى ذره حلوه امريكانا
اخدت نص الكيس تقريبا غسلتها بميه
وبعدين حطتها على النار تتسلق شويه
وحطيت فى الميه ملح خفيف وونص مكعب مرقه
ما سبتهاش كتير على النار عشان نكهتها ما تروحش يا دوب دقيقتين
اشلها من النار
وفى حاجه تانيه احط معلقه دقيق ومعلقه سمنه واقلب شويه
وبعدين اضيف عليها شويه من ميه السلق بتاعه الذره
واضرب باقى الميه مع الذره فى الخلاط وبعدين اضيفها على الدقيق
واسيبها تغلى شويه لحد ما قومها يتخن شويه
تقريبا بتبقى نفس سمك شوربه العدس
بس كده ممكن تحطى معلقه قشطه فى كل طبق بيدى طعم جميل اوى
انا هنا بعد ما غرفتها رشيت على الوش شيدر والجزء الاخضر اللى فى البصل الاخضر
وكانت روعه ودى الصوره
يارب تعجبكم
ما تنسوش التقيم يا بناااااااااااااااااااااااات
وبالهنا مواضيع هذا القسم برعاية
shimo om kenzy shimo om kenzy images/flowersavatars/avatar0019.jpg فتكات هايلة Fatakat 115161 الرياض – السعوديه