حبايب قلبى القمرات
انتم عارفين انى مقله فى دخول القسم ده شويه لان وقتى الحمد لله موش بلاقيه
بس برده بحب افيد حبيباتى واخواتى الفتوكات
الاكله دى بجد من افضل الاكلات اللى زوجى بيحبها بطريقه موش طبيبعيه
ودائما انا بعمل الماكولات البحريه فى الوقت اللى بورسعيد بينزل فيها الجمبرى الرخيص ههههههههههههه عشان ابدع براحتى خالص
الاكله هى
شوربه السى فود البورسعيدى الاصلى وعملتهالكم من مطبخى و شوفى جمالها بقى
وجربيها بجد وقولى لى رايك بصدق
بتجيبى بكلاويز بلدى من ابو يوسف اللى فى السوق ههههههههههههههههه ملك البكلاويز
نصف كيلو مثلا
ونصف كيلو جمبرى مقشر
ونصف كيلو سيبيا متنضفه كويس جداااااااااااااااااااا
وزيت ذره
وبصلتين كبار
ونصف راس ثوم
وملح وفلفل وكارى
الطريقه بننقع البكلاويز من بالليل فى ماء وملح حتى يكون نقى من اى رواسب تمام ؟؟؟؟
نجيب حله كبيره
ونحط شويه زيت ذره ونشوح فيه البكلاويز حتى يفتح كله ونضع عليه البصل والملح والفلفل والكارى 3 ملاعق كبار ونقلبهم حتى يمتزجوا مع بعض تماما اوك كدا ؟؟؟؟
بعدها نجيب 8 كوبيات ميه كبيره مغليه ونصبها على الخليط بسرعه ونقلب ونضع نصف راس الثوم
ونغطيها حتى تغلى غلوه ونسيبها ربع ساعه تنضع بعدها
نقطه السيبيا شرائح رفيعه
ونضعها فى الحله ونسيبها خمس دقايق تغلى
أما الجمبرى فنضعه دقيقتين بسرعه أول ما ياخد غلوه او اتنين مع الشوربه ارفع الشوربه وبكدا اكون خلصت
وده شكل الطبق من مطبخى بعد ما عملته وخلصته وصبيته فى طبق كبير للتقديم
احب اقول ان فيه ناس بتحب تغلى البكلويز نصف ساعه الاول وبعدين تنشله من الشوربه وتسيبه حتى يهدأ وتفصصه واحده واحده وتحطه بعدها تانى فى الشوربه وتضيف الجمبرى والسيبيا وتزينه بالبقدونس بس انا بقولكم النظام البورسعيدى بقى
عموما عاوزه رايكم عشان حنزلكم وصفتى لكفته جمبرى بدون لا بصل ولا ثوم
؟؟؟؟؟؟؟
بس عاوزه تشجيع صح الصح ودعاوى لى ولاولادى زوجى بالصلاح وحسن الخاتمه بس موش عاوزه اكثر من كدا بحبكم يا اطعم فتوكات مواضيع هذا القسم برعاية
أم عبد الرحمن وعمر أم عبد الرحمن وعمر 167174_8.gif فتكات ست الكل Fatakat 167174 بورفؤاد – بورسعيد