المقادير :-
1 كيلو طماطم كون كاسية
جبنة كيرى او كريمة لبانى
50 جم زبدة وزيت
1 بصل مفروم ناعم
50 جم كرفس
50 جم كرات
2 مكعب مرق
5جم ملح
5جم فلفل
التحضير :-
اولا : الطماطم الكون كاسية : تغلى ماء على النار ونشيل بالسكينة الحتة الخضراء الى فى الطماطم من فوق القمع يعنى
انزل الطماطم فى الماء واعد من 1 الى 10 وبعدين اشيل الطماطم من الماء
اقشر الطماطم واشيل القشرة بتاعتها وكمان البذر من جوا
وكدة عملت الطماطم الكون كاسية
ثانيا : تحضير الشوربة :
نسخن زيت وزبدة فى طاسة على النار ثم انزل البصلة واقلبها كويس لحد اما تدبل
ثم انزل الكرات والكرفس واقلب شوية
ثم الملح والفلفل واقلب وبعدين احط مكعبين المرق واحط شوية شوربة عشان المكونات تتفاعل مع بعضها كويس
ولما الشوربة تغلى شوية انزل الطماطم الكون كاسية واقلبها مع باقى المكونات
لو محتاجة شوربة احط شوربة عشان يبقى سمكها كويس
ولما تغلى شوية اضرب كل المكونات دى فى الخلاط وبعدين اصفيها
ارجعها للطاسة تانى بعد التصفية واسيبها تغلى وتتقل على النار وبعدين اضيف الجبنة الكيرى او الكريمة اللبانى واقلب كويس عشان الكيرى تسيح جوا الطماطم
وبكدا الشوربة جهزت وبالهنا والشفا
جربوها وادعولى مواضيع هذا القسم برعاية
dandona_t dandona_t فتكات رائعة Fatakat 60662 الرياض – السعودية