بسم الله الرحمن الرحيم
ازيكم يا فتوكات عاماين ايه يارب تكونوا كويسن كلكم
أنا فتوكة سمين جدا عشان تبقو عارفين وعملت دايت قبل كدا ونزلت 12 كيلو في شهر واحد بسسسسسسسسسسس صحيح رجعتهم تاني بس انا بدات تاني لآن فرحي قررررررررررررررررررررررررب ادعوليييييييييييييي بس عارفين يا بنات ايه الحاجه اللي خلتني أنزل بسرعه كدا !!!!!!!!!!!!!!!!!
شوربة الكرنب
شوربة الصاروووووووووووووووووخ ايوووووووووووووووووه فعلاااااااااااااا مهما عملتي يا فتوكوه مش هتنزلي بسرعه كدا الا لو عملتيها
هقولكم تعملوها ازاي
الأول أنا كنت بعملها حاجه جنب الأكل زي السلطة وشوربة الخضار وسعات كنت بعملها وجبة أساسية لما بكون ملخبطة يدوب باكل معاها حتتة اللحمة او ربع الفرخة او بيضتين مسلوقين مع نص رغيف وخلاص وهي بتشبع جدا لما كنت باكلها كنت بحس اني واكله خروف وكمان لذيذه خاصة لما تعصري عليها لمون ودا يستحسن لأن اللمون بيفتت الدهون بلاش اطول عليكم هقولكم طريقتها
** المكونات
بصله متوسطه
شوية كرنب مقطعين يعني على قد طبق أو حسب الكمية اللي تحبي تاكليها
أي خضار عندك ( كوسه – جزر – فلفل أخضر ) حطيهم كلهم أو حسب اللي موجود بس بلاش البسلة أو البازلاء لأن فيها نشويات عالية جدا على حسب علمي
** الطريقة
تبشري البصلة أو تقطعيها وتشوحيها بنقطة زية ( يعني أقل كمية زيت ممكنه مش نقطة نقطة يعني ) لأنك مش هتحمريها يادوب تدبل بس يعني الزيت لمجرد البصلة ماتلزقش في أرضية الحلة وخلاص و يفضل مفيش زيت خالص
وبعدين تكوني مجهزة الخضار ومقطعاة حتت صغيره وتحطيهم على البصله من غير حاجه شوحيهم شويه عشان يخدو نكهة البصل بس
وبعدين حطي شوربة طبعا من غير الدهن اللي بيبقى عايم على وش الشوربة أو مرقة دجاج وخلاص
تسبيهم لحد ما الخضار يستوي وبالهنا والشفا
ياريت تحطي عليها نص لمونه عشان اللمون بيفتت الدهون
ممكن كمان ودا أنا عملته امبارح عملت كمية كبييييييييييييييرة بس ماكنتش حاطه غير كرنب وبقدونس بس وصفيتهم وعبيتهم في أزايز وحطيتهم في التلاجة لكن طبعا كدا طعمها ماسخ الأحسن لما كنت باكلها سخنه يميييييييييي لذيذه
الي بقوله دا عن تجربه وفعلا جاب معايا نتيجة مذهله بس الأهم من دا كلو
قللي في الأقل ويكون بالتدريج مش مرة واحده تحرمي نفسك من كل حاجه
المجهوووووووود أيامها كنت لسه بدرس وكنت بعمل مجهود كبير ( كفاية الموصلات بي )
أنا دلوقتي قلت لخطيبي يجبلي حبل عشان أنط الحبل ههههههههههههههه لأني قاعده دلوقتي في البيت ومفيش أي حركة
ياريت أكون أفدتكم ادعولي أخس بأه عشان هتجوز بعد 3 شهور
Rose In 2 hell Rose In 2 hell 767270_7.gif فتكات هايلة Fatakat 767270 الشهداء/المنوفية – مصر