وحشنى قسم المقبلات والمعجنات اوى
وعشان كده النهارده جايبالكم طريقة جميلة جدا
وسهلة جدا لتقديم البطاطس
اتعلمتها من مواقع اجنبية وفعلا النتيجة كانت روووووووعة الحمد لله
وقلت لازم اشارككم معايا الطريقة
دى صورة البطاطس المخبوزة
ها ايه رايكم……..
ياللا نبدا بسم الله
المكونات
بطاطس مغسولة وتجفف بالورق النشاف او فوطة نظيفة على حسب عدد افراد الأسرة
زيت نباتى او زيت زيتون او زبدة سايحة
ملح وفلفل
الطريقة
1- نضع البطاطس على معلقة خشب كبيرة
2- ونبدا بتقطيع البطاطس بالسكينة وهنا عند التقطيع ستصبح حافتى الملعقة الخشب حاجز حتى لا تقطع البطاطس لنهايتها وتصبح متماسكة من اسفل
3- الفرن يكون ساخن عند درجة عالية من 220- 250 درجة سيليزية
4- ترص البطاطس فى الصاج
5- ندهن البطاطس بالزيت او الزبدة السايحة
ويرش الملح والفلفل عليها وتدخل الفرن لتخبز لمدة 40 دقيقة
هنا استوت البطاطس وتكون مقرمشة ومن الداخل طرية
طعمها رائع
وتقدم كطبق جانبى
وبالف هنا
ملحوظة صغنتوتة
يمكن إضافة اى نكهة للزيت اللى بندهنه على البطاطس
ممكن ثوم مفروم – زعتر – ريحان – شبت – اى نكهة بتحبوها
اتمنى الطريقة تكون عجبتكم
وما تنسونيش من دعواتكم الحلوة
واشوفكم على خير إن شاء الله فى موضوع جديد
مواضيع هذا القسم برعاية
ام كروان ام كروان 124965_2.gif فتكات ست الكل Fatakat 124965 المطبخ – المنزل