السلام عليكم يا فتوكاتي الحلوين
انا بقا بحب المطبخ والمخمخه اووي وبحب اعمل الحاجات بطريقتي الخاصه
فأنا عملت الشاورما بطريقتي وقولت ايه بقا مش هعزها عليكو
الي مش هتقيم هجري وراها بالخرازانه فقلب المنتدي انتوا احرار
المكونات
اولا احنا هنأخد صدر فرخه او صدرين علي حسب عدد الاشخاص احنا كنا 3 عشان كده عملت صدر واحد
ثانيا هنحطه فمايه سخنه لحد ما يستوي نص سوا كده يعني يادوبك الشوكه تدخل بالعافيه
ثالثا هنكون مقطعين طماطم وفلفل رومي وبرده علي حسب الكميه انا بما انه كان صدر واحد فعملت طماطمتين وفلفلتين كبار حلوين كده
وضربت فالكبه 3 بصلات متوسطين الحجم مفيش كبه خرطيهم بايدك حتت صغيره
ونقطع شوية بقدونس فطبق علي جنب
مكعب ماجي فلفل اسود وملح
الطريقه بقا
بعد ما تستوي الصدر نص سوا هنطلعه نصفيه ويبرد ونقطعه حتت بالسكينه لا كبيره ولا صغيره
ونحط البصله عالنار تتشوح بحبة زيت لحد بس ما تدبل مش تصفر
وبعدين نضيف الفراخ اللي قطعناها عالبصله ونقلبهم نسيبهم فقلب بعض كده قد تلت ساعه مع تقليب كل دقيقتين كده عشان ميلزقوش فالحله
بعدين نضيف عليهم الفلفل ونفضل نقلب فيهم برده لحد ما الفلفل يدبل
خلاص دبل الفلفل نحط الطماطم ونقلب لحد ما تدبل ونغطيهم مع بعض عشر دقايق متنسوش اضافة التوابل وهي مكعب ماجي وفلفل اسود وملح
وبعدين بعد ما تستوي خااااااااااااااالص
نحط عليهم البقدونش ونقلب تقليبتين ميكملش دقيقه كده ونطفي عليه ونسيبه فالحله متغطي عليه لحد ما البقدونش يديهم الريحه والطعم التمام وبعدين بقا بالهنا والشفا يا حلوين
سامحوني لو الكلام مش مترتب او الشرح وحش لان دا اول موضوع ليا فالقسم داه
مواضيع هذا القسم برعاية
marwa 2lb 7ousam marwa 2lb 7ousam 701766_2.gif فتكات هايلة Fatakat 701766 10th of ramadan city – egypt