السلام عليكم ورحمه الله وبركاته
بدون مقدمات كتيــــــــر
انا عملتلكم اسهل واحلى طريقتين لشاورما الفراخ وشاورما اللحم كله من مطبخي
قولوا بسم الله
نبدأ بشاورما الفراخ
المقادير
صدور فراخ مقطعة شرايح طويلة ومتبله .
بصل وفلفل وزيتون وطماطم مقطعين شرايح رفيعه .
تورتيلا .
الطريقة
نشوح البصل مع الفلفل والزيتون في شويه زيت صغيرين 5 دقايق .
واول مالون الفراخ يكون ابيض نحط الطماطم .
ونسيبهم 6 دقايق ع النار .
نجهز التورتيلا انا حطيت هنا جبنه سلايس ومايونيز وخيار مخلل .
نحط حشوه الشاورما .
ونلفه بعد كده ونحطه في توستر او ع شواية ويتقدم زي ماتحبي .
نيجي بقى لشاورما اللحم
المقادير
لحم بوفتيك مقطع شرايح متوسطه .
بصل وطماطم وفلفل مقطعين قطع صغيرة .
كرنب احمر + مايونيز للسلطة .
الطريقة
نشوح البصل والفلفل ع النار .
نحط شرايح اللحم .
ونضيف جميع انواع التوابل اللي عندك مع معلقة خل كبيرة ورشة قرفه .
ونضيف الطماطم ونسيبها ربع ساعه مع التقليب .
ونحطها في عيش لبناني مع طحينة .
ونحمصه في التوستر او الشواية ونقدمه مع سلطه الكرنب بالمايونيز .
وده شكله من جوا .
وبألف هنا وشفا ياأحلى فتوكات
ومش تنسوا تقيموني
مستنيه ردودكم حبايبي
مواضيع هذا القسم برعاية
*snow white* *snow white* 444272_1.gif فتكات متميزة Fatakat 444272 القاهرة – مصر