مساء الخيرااااااات يافتوكات
عملت شاااورما الفراخ على طريقة الشيف حسن
وطلعت تحفة جدا
وحبيتكم تشوفوها وتقولو رأيكم وان شاء الله تعجبكم
المقادير الاول
بشر برتقاله
بشر 2 ليمونة
ملح+فلفل اسود+بهارات فراخ
معلقة قرفة بودر
وطبعا صدور فراخ مخلية مقطعة شرايح رفيعه
بصلة كبيرة مبشورة بارفع حاجة فى المبشرة بحيث تكون فيها ماية كدا
وانا زودت نص مكعب مرقه دجاج و
2فص ثوم مبشورين مع البصلة
ومع الطريقة
الاول حنحضر كل حاجة فى طبق وى كدا
ونضيفهم الى الفراخ فى طبق اغوض
ونسيبهم حوالى 3 او 4 ساعات فى الثلاجة لو مستعجلين
نحضر بقا بصلة كبيرة تانيه مقطعه شرايح رفيعه
فلفل اخضر حسب الرغبة (حار او بارد) مقطع شرايح رفيعه
انا عملته بارد علشان البنات
طمطمايه مقطعه شرايح برضو
نجيب الطاسة بتاعتنا ونحط فيها معلقتين زبده وشوية زيت
وننزل بالفراخ التبلة بالتتبيلة بتاعتها
وهى هتنزل الماية بتاعتها وتسوى نفسها بيها
حوالى عشر دقايق كدا ونحط الفلفل والبطل والطماطم المقطعين شرايح
وحوالى ربع كوب مايه علشان يسوى البصله
ونغطى عليها ونقلبها من حين لاخر لغايه ما تاخد لون وتتشرب المايه كلها
وعقبال ما تجهز نحضر سلطة الطحينة الرهيبة
(طحينة بيضاء+فلفل حار مقطع صغير جدا+معلقتين خل +فصين صغيرين ثوم مفروم+ملح وكمون و3معالق مايه)
ونقلبهم كلهم ونزود بالمايه لغايه ماتكون قوامها مناسب
ونحمر بطاطس لو تحبى او شيبسى
او الاثنين علشان لو ولادك بيحبو الشيبسى طبعا زى بناتى كدا
ونقدمهم وبالف هنا
وده شكل الشاورما بعد السوا
وماردوش يعملوها ساندوتشات
فاكلناها كدا بالعيش وكانت الحمد الله لذيذة جدا جدا
لو عجبتكم ادعوووا لبناتى وزوجى
وان ربنا يسهل لى ولادتى على خير
بحبكم فى الله
وماتنسوش تحلو بقدرة قادر دى اللى عملتها قبل كدا
بحيكم فى الله
ماتنسوش التقييييييييييييييييم
مواضيع هذا القسم برعاية
ام ملك ومنه وهيما ام ملك ومنه وهيما 575184_3.gif فتكات رائعة Fatakat 575184 عش الزوجية – قلب حبيبى