اهلا يا قمرات وحشتوني
كان عندي لحمة معصجة كتير باقية مني ومكنتش عارفة اعمل بيها ايه فقولت اجرب عجينة العشر دقايق
وفعلا عملت سندوتشات خطيرة يا بنات بعجينة العشر دقايق مش قادرة اقولكوا اد ايه العجينة دي خطيرة وزي ما بيسموها
عجينة الكنز السندوتشات عاملة زي ما تكون جاهزة طعمها كان رائع واللي شجعني اطبق العجينة دي القمر الشيف دلوعة
تعالوا نشوف مع بعض
المقادير
منقسمة الي جزاين
الجزء الاول
كوبايتين دقيق منخول
كوبايتين ماء دافئ
2 معلقة كبيرة خميرة
2 معلقة كبيرة لبن بودر
ربع معلقة صغيرة ملح
وربع كوباية سكر
الجزء الثاني
3 كوبايات دقيق منخول معاهم معلقة بيكنج بودر
ونصف كوباية زيت
الحشو
انا عملت لحمة معصجة وجبنة موتزاريلا
طبعا انت ممكن تعملي اي حشو جبنة سوسيس كفتة سي فود اي حاجة
حتي لو حلو كمان يبقي خطير
نيجي بقي
للطريقة
هنقسم شغلنا علي جزئين
الجزء الاول
هنجيب مكونات الجزء الاول
ونخلط المكونات الجافة كلها
وبعدين نضيف المية ونقلب بمضرب سلك او كهرباء لحد ما كل المكونات تتجانس
هنسيب الخليط دة يتخمر حوالي 10 دقايق
وهيبقي شكله كدة تضاعف
نيجي للجزء التاني
هنجيب ال3 كوبايات دقيق اللي عليهم البيكنج بودر ونضيف للخليط السابق كوباية كوباية ونعجن لحد ما نخلص كمية الدقيق كلها
هنضيف الزيت ونكمل عحن طبعا واحنا شغالين لو لقينا العجينة محتاجة دقيق بنزود لحد ما نحصل علي عجينة طريقة الي حد ما
بالشكل دة
هنبتدي نشكل العجينة بتاعتنا
هنجيب حتة من العجين نعملها كورة بالشكل دة
ونفردها بالنشابة او بادينا علي شكل دايرة او بيضاوي
ونجيب سكينة ونعمل علي العجينة خطوط مايلة كدة
ونجيب الحشوة بتاعتنا ونحطها علي العجينة
ونلفها رول زي العيش الفينو بالظبط
مواضيع هذا القسم برعاية
(Lara) (Lara) 265722_27.gif فتكات غالية قوي Fatakat 265722 الرياض – السعودية