السلام عليكم ورحمة الله وبركاته
سندوتشات السجق
ازيكم يا فتوكات انا النهاردة حعملكم سندوتشات السدق من ايديا ويا رب تعجبكم
انا عملتها مخصوص علشان صديقة حبيبتى سألتنى على طريقتها وانا بخبزها فى الفرن العادى وطالبة منكم اللى تعرف طريقة خبزها وضبط الحرارة فى الميكروويف تقولى علشان اقول لصديقتى .
المكونات:
أولاً العيش:
5 أكواب دقيق – قطعة خميرة ندوبها مع ملعقة سكر كبيرة ونصف كوب ماء دافئونتركها 10 دقائق حتى الفوران
نضيف الخميرة للدقيق ونعجن بكوب ماء دافئ حتى تصبح العجينة لينة وتلتصق باليد لكن متكونش سايلة كما بالصورة:
ونتركها تخمر ساعتين حتى تصبح كما بالصورة:
ثانياً الحشو:
نصف كيلو سجق مقطع حلقات – طماطم جامدة منزوعة البذور مقطعة مكعبات – فلفل مقطع – بقدونس مقطع – يمكن إضافة شرائح جبن تركى وقطع صغيرة زيتون أخضر
الطريقة:
– نقسم السجق 8 أجزاء
– نضع القليل من الزيت على ايدينا ثم نلم العجينة كلها ونقسمها 8 أجزاء
– نفرد كل سندوتش بالنشابة بعد رشه قليلاً بالدقيق ومنفردش كتير علشان متلصقش على الترابيزة هى مرة واحدة كافية وميكونش السندوتش خفيف
– نضع الحشو لعمل رغيف مستطيل ونقفل الاطراف ونبطط باليد
– أو مدور
– يوضع فى صينية مفرودة مدهونة بالزيت و يدهن وجه السندوتش بالزيت ويشوك بالشوكة بشويش
– ويخبز على درجة 230 ولما يستوى نضعه فى درج حفظ الحرارة والفرن مولع لمدة دقيقتين فقط ليحمر الوجه أو تحت الشواية
ويقدم مع الخيار والبطاطس المحمرة
وبالهناء والشفاء
مواضيع هذا القسم برعاية
سالى عيد سالى عيد 172781_2.gif فتكات رائعة Fatakat 172781 الأسكندرية – مصر