السلام عليكم ورحمه الله وبركاته
ازيكو يا فتوكات عاملين ايه والله بتوحشونى جدااا وببقى عايزه اخلص شغل البيت بسرعه عشان ادخل اتكلم معاكو النهارده بقا عملت ايه عملت سمك سنجارى كان عندى سمكه كده منقطه جوزى حبيبى ربنا يخليهولى كان جايبها قلت خلاص هعملها النهارده بس ايه بقا زى اللى بره بالظبط المهم نبطل رغى وندخل على الطريقه والصور
المقادير
سمكايه مفتوحه من الضهر
ليمونه
بصله مقطعه جوانح
و2 شطه اخضر
وطمطمايه
وتوم مدقوق
وادى السمكه
هنفتح السمكه من الضهر ونغسلها كويس ونحط عليها التوم المدقوق بملح وكمون وشطه حمرا
وبعدين نجيب طاسه ونحط شويه زيت ونحط البصل المتقطع والشطه الخضرا المتقطعه
وبعد ما يدبلو شويه نحط عليهم الطماطم ونتبلهم بملح وكمون
وشويه شطه حمرا وبعدين نحطهم على السمكه ونحط السمكه
على ورق المونيوم بس نحط بينهم ورقه زبده بين السمكه والورق الالمونيوم عشان عرفت انه غلط اننا نسوى الاكل على الورق الفويل على طول
المهم بعد كده نقفل الورق على السمكه ونحطها فى الفرن على درجه 200
لحد ما تسخن اوى ونحس انها اخدت غلوه كده وبعدين نوطى النار على 180 ونسيبها تستوى براحتها وهى مش بتاخد وقت كبير وبجد طلعت زى الجاهزه اللى فى المطاعم
ومع ارز احمر وسلطه وعملت كمان سلطه البنجر وطلعت جميله وعجبت جوزى اوى
شكلى كده هحط الصور فى المشاركه الجايه ان شاء الله
مواضيع هذا القسم برعاية
hayahelrouh hayahelrouh 224343_4.gif فتكات هايلة Fatakat 224343 رحمه ربنا – رضا ربنا