السلام عليكم ورحمه الله وبركاته
رمضان كريم يا فتوكات
طبعا في رمضان بنحب السلطات وانهارده هاقول لكم علي سلطه البطاطس المشويه ايوه المشويه
الفكرد دي كانت ماما بتعملها لينا من زمان ولما اتجوزت كنت ناسياها
وعلشان زوجي مبيحبش البطاطس غير مقليه وانتم عارفين انها مش صحيه قوي فقلت اجرب وصفه ماما ربنا يباركلي فيها يارب ويصبرها علي وفاه اختي حبيبتي الله يرحمها
المهم علشان مطولش عليكم
المقادير
بطاطس
طماطم
فلفل اخضر او احمر
ملح /فلفل /كمون
ثوم او حسب الرغبه
الطريقه
هاتخدي البطاطس وتشويها مثل البطاطا في الفرن او علي الشوايه
هتجيبي طبق غويط شويه وتقطعي الطماطم ونصف الفلفله الخضره او الحمره
وترشي التوابل
تدقي الثوم مع نصف الفلفله والبهارات لو هاتحطي الثوم وتراعي الكميه
تطلعي البطاطس وتقشريها وتقطعيها مكعبات فوق السلطه اللي جهزناها
تحطي شويه زيت وممكن كسبره خضرا او بقدونس لو بتحبيهم
وقلبي وبالهنا والشفا
بتقدميها ومعاها العيش المقلي لو بتحبيه وده طريقته
انك بتجيبي العيش وبتقطعيه بالحجم اللي يناسبك
وتقليه في زبده او زيت خفيف قوي علي شان اضرار المقليات
لما يتحمر تصفيه كويس وتحطيه علي ورق نشاف او مناديل ورقيه بدون ريحه يعني من بتاعه المطبخ
وممكن ترشي عليه البهارات الي عوزاها
وتكلي بيه السلطه او حتي تكليه مع اي حاجه تانيه
يارب تكون الوصفه عجبتكم
واستحلفكم بالله تدعو لنا ولاختي المتوفاه بالرحمه والمغفره ده اول رمضان ييجي وهي مش معانا ربنا يرحمها
اللهم بلغنا رمضان
اللهم اغفر لي ولوالدي وللمؤمنين والمؤمنات والمسلمين والمسلمات الاحياء منهم والاموات
نسيت اقول ليكم ان الوصفه دي ممكن تعملوها بالبطاطس المسلوقه كمان مواضيع هذا القسم برعاية
ايكادولي ايكادولي فتكات هايلة Fatakat 241801 الاسكندريةالعامرية – جمهورية مصر العربية