المقادير:
نص كيلو بنجر
3 معالق كبار زيت زيتون
2 معلقة خل كبار
ملح + شطة + كمون
لمونة كبيرة
الطريقة:
نغسل البنجر كويس ونشيل الرأس بتاعته
نجيب حلة علي حسب حجم البنجر ونملاها ميه ونحط البنجر فيها ونحطها على نار متوسطة ونسيبها تغلي ونشوف البنجر اتسلق ولا لاء بالسكين نحط السكينه فيه لو غرزت بسهوله نطفي عليه.
نسيبه يبرد وبعدين نقشرة ونقطعه بالطريقه اللي احنا حبينها "يا دوائر رفيعه أو سميكه او مربعات أو زي شكل القلب اللي انا حطاه لو عندكم الاشكال البلاستيكيه دي".
نحطة في علبه ونحط عليه البهارات والزيت والخل والليمون ونقلبه ونغطي العلبه ونسيبه في التلاجه وناخد منه عند الحاجه.
بيتاكل بجانب أي أكل كسلطة سواء طبيخ أو أسماك أو لحوم أو في العشا أو الفطار مع الفول والفلافل والبيض والجبنات بيبقا روعه .
وطعمه بالطريقه دي ومن غير توم بيبقا تحفه وأنا أكلته بالتوم ماعجبنيش .
وممكن تزينوا بيه اي أطباق
وبالهنا والشفا
منقوووول مواضيع هذا القسم برعاية
غدغود الامورة غدغود الامورة 813313_2.gif فتكات متميزة Fatakat 813313 القاهرة – مصر