السلام عليكم يا فتوكات
النهاردة أنا جايبة لكم سلطة البنجر بتاعة شبراوي الكوربة , ياما جربت عشان اوصل لها واخييييييييييييرا وصلت لها هي هي بالظبط
هديكم الطريقة بس علي شرط!!!!!
تدوني شوية أول ما تعملوها
وللعلم :البنجر من الخضار اللي بيقضي عالانيميا ويزود نسبة الهيموجلوبين في الدم يعني اللي عاوزه خدودها حمراء تاكل منه كتييييييييييير
المقادير
أي كمية من البنجر نصف كيلو أو كيلو مثلا
خل أبيض العادي بتاعنا
سكر أيوه ما تستغربيش (سكر)
جزر مبشور
الطريقة
نغسل البنجر بالميه كويس ونحطه عالنار يتسلق يعني((نحطه في حله ونغطيه بالميه وبعدين نحطه عالنار لحد ما يستوي))
بعد كده نشيل قشرته ونقطعه مكعبات صغيرة ونحطه في طبق ونرش عليه السكرحوالي 2 ملعقة كبيرة وكمان نحط عليه حوالي معلقة خل كبيرة وبعد كده نخلطه بالجزر المبشور ونحطه في الثلاجه نصف ساعه عشان السكر يدوب فيه
وبالهنا والشفا مواضيع هذا القسم برعاية
marwa_magdy1985 marwa_magdy1985 48079_3.gif فتكات نشيطة Fatakat 48079 القاهرة – مصر