اسعد الله مساءكن اخواتى وبناتى الفتوكات
انا جبت لكن اكلة جديدة ويارب تعجبكن انا شفتها مرة فى موقع جزائرى وجربتها بس طبعا وضعت فيها لمساتى والطعم اللى بحبه انا وزجى وولادى وهى حلوة اوى ومش بتكلفك حاجة واحسن من البدنجان المشوى والطحينة غالية اوى الايام دى
ندخل على
المقادير
بدنجانة مشوية
3 طماطم
2 قرن فلفل حامى او رومى
4 فصوص توم
ملح وكمون وبودرة توم
خل وليمون
الطريقة
بتشوى البدنجان وتقشريه وتهرسيه
وفى الوقت اللى بتشوى فيه البدنجان بتضعى الفلفل والطماطم والتوم فى حلة وتغطيهم بالماء
وتتركيهم حتى يتشربوا المية
ثم تقشرى الطماطم وتهرسيها هى والفلفل والتوم ثم تضعيهم على البدنجان المهروس
ثم تضعى التوابل والخل والليمون وتقدميه فى طبق التقديم
وبيكون بالشكل ده
وممكن تضعى شوية بقدونس على الوش
انا عملت الاتنين علشان عندى مش بيحبوا البقدونس على الوش
ويقدم من المقبلات
وبالف هنا وشفا
وإذا عجبك الموضوع ياريت تقييمه
مع تحياتى
ام حمادة مواضيع هذا القسم برعاية
سونال سونال 123186_10.gif سوبر فتكات Fatakat 123186 القاهرة – مصر